Школаос куашкаса буш сыло

Удмурт Дунне
By Удмурт Дунне 25 сентября, 2015 12:30
23

Тӧл шула.

Кез ёросысь Стеньгуртысь та юртын куке но трос пинал куараос чузъяськизы. Табере отын тӧл шула. Тӧл золгес пельтыны шедьтӥз ке, лысьӧмтэм кылем пу корка куашкалоз.

Кӧня ке аръёс талэсь азьло Стеньгурт «Родник» огазеяськонэ пыре вал. Гурт хозяйство куашкамен сэрен фермаос пытсаськизы, гурт пересьмыны кутскиз. Быгатӥсьёсыз Кезэ я кытчы улыны кошкизы. Кылемъёсыз фермер доры я каргуртэ ужаны ветло — ог 14 иськеме.

Туннэ нуналлы Стеньгуртын пропиская 140 мурт лыдъяське, нош зэмос улӥсез — 92 адями. Со пӧлысь 39-эз — пенсионеръёс, 2 нылпи школае ветлэ. Валамон ини, школаез, кытын дышетӥсьёс дышетскисьёслэсь тросгес, нокин уз возьы. 2007-тӥ арын школа ужамысь дугдӥз, дышетскисез 16 мурт вал. Тодон-валан люканы пиналъёсты автобусэн Кезэ нулло.

Нош школа юрт сылэ. Пушкыз качамын ни, кин мае быгатӥз ишкалтыны-кыскыны, дораз нуиз.

— Юрт пыре ронолэн балансаз, милям соин номыр кареммы уг луы, — шуэ Сосновоборской муниципал кылдытэтлэн йырыз Юрий Ложкин. — Кин ке марзэ ке исаз на ке, юрт вылаз куашканы быгатоз. Тылпу потэмлэсь но кышкано. Муниципал кылдытэтамы берло дыре 3 школа пытсаськиз. Липовкаысь школа юрт вузамын, али отын улон корка. Сыгаысь школа интые усьтэмын огназы кылем пересьёслы улон юрт.

Юрий Евгеньевич ачиз но Стеньгуртын улэ, ужаны ветлэ Кезэ. Гуртоосыз понна воргоронлэн сюлэмыз туж висе. Медпунктсэс но туэ ворсаллям. Азьвыл арнялы 2 пол Кезысь эмъясь вуылэ ик вылэм. Владимир Путинлэн эмъян юртъёсты утьыны турттон сярысь веранъёсыз стеньгуртъёсты уг буйгато: милемыз адӟись луоз-а, пе, оптимизация шуон гуртъёсысь эмъяськон юртъёс вылтӥ гинэ ӧвӧл, ёрос центръёс, городъёсысь больницаос вылтӥ но погыльтӥське бере.

Али гуртысь медпункт тунгонамын. Но школа сямен уг шонаськы, пыд йылаз юн сылэ ай. Райполэн магазинэз но ворсаськемын, калык частник доры ветлоно луэ. Арняяз 1 пол автолавка вуылэ на. Ярам, клуб но библиотека ужало, пе. Но клублэн липетэз «зоре». Тазэ юртсэс Юрий Ложкин, гурт калыкез люкаса, ас кужыменызы кышъяны чакла.

Стеньгуртэ газ но пыртэмын, сюрес но вань — 2 иськемез уродосгес ик, тазэ «Автодор» огазеяськон куке но лэсьтӥськон планэ пыртонэн оскытэ. Нош калык кошке. Кузётэк кылем коркаос арысь аре тросгес луо. Туннэ та гуртын 22 аналтэм юрт.

Шӧкыч уром

Удмурт Дунне
By Удмурт Дунне 25 сентября, 2015 12:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<