Сергей Матвеев поттӥз выль книгазэ — «Эмезь гурезь»

Удмурт Дунне
By Удмурт Дунне Сентябрь 24, 2015 10:53

6814Берпуметӥ книга поттэмез дырысен 4 ар ортчыса, Сергей Матвеевлэн выль книгаез кисьмаз — «Эмезь гурезь». Сое басьтыны луоз «Удмуртия» книгапоттониысь.

Мар сярысь та книга? «Шоро-куспо арлыдо одӥгназ пиосмуртлэн ар ӵоже улонысьтыз куд-ог суредъёс» — таӵе валэктон сётэмын книгалы, автор сое роман-арбыт шуэ.

«Эмезь гурезь» книгалэн нимыз ик романлэсь трос пумо пуштроссэ усьтэ. Нырысь ик, со инты, кытын улэ валтӥсь герой — со Эмезь гурезь. Автор верамъя, ас вакытаз Ижлэн Малиновая гора нимаськись интыяз со ачиз улӥз. Озьы ик Эмезь гурезь — со улон, кытын емышъёс кадь ик пӧртэмесь адямиос но, яратонъёс но, мылкыдъёс но.

— Эмезьпудын котькыӵе емышез сюре, чырсэз но, ческытэз но. Улаз пушнерез но будэ, — вера С. Матвеев. — Озьы ке но ми выльысь эмезьпу пӧлы пыриськом, эмезез веръяськом. Котькыӵе шуг-секытъёс пыр ортчыны луэ ке но, зэмос яратон та дунне вылын вань.

Воргоронлэн сюлэмшугъяськонъёсыз, сюлэмвисёнъёсыз сярысь лыдӟыса, С. Матвеевлэн творчествоеныз тодмо лыдӟисьёс шуозы, вылды: та нош ик аслаз улонэз сярысь гожтэм. Кызьы шуэ ачиз автор, озьы чылкак вераны уг луы. Угось котькуд писатель книгазэ ачиз пыр поттэ.

Али С. Матвеев выль книгаез бордын ужа ни. Нима сое «Нылкышно» роман-чигвесь шуыса. Сӥземын со огшоры кышномуртлы.

«УД»

Удмурт Дунне
By Удмурт Дунне Сентябрь 24, 2015 10:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<