М. Атамановлэн музеез усьтӥськиз

Удмурт Дунне
By Удмурт Дунне 24 сентября, 2015 12:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
атаманов1

Бадӟым ужрад кутскиз черкын, татын ортчиз удмурт литургия.

Грак ёросысь Пуклё гуртын ортчиз аспал эшсылэн, тодосчилэн писательлэн но протодиаконлэн Михаил Атамановлэн 70 арес тырмонэзлы сӥзем научно-практической конференция.

Бадӟым ужрад кутскиз черкын, татын ортчиз удмурт литургия. Собере калык люкаськиз школае, «Учёный, переводчик, миссионер»  научно-практической конференцие. М. Атамановлы сӥзем ужрадэз усьтӥз Грак ёрослэн йырыз Михаил Крестьянинов. Конференциез дасянэ пыриськизы нылпиос, дышетӥсьёс, библиотекаын ужасьёс, культура удысын тыршисьёс. Одӥгез соос пӧлысь — дышетӥсь Татьяна Коновалова. Татьяна Алексеевна верамъя, табыдӟа ужрад гуртазы кемалась ӧй вал ини.

— Ижысь тодосчиос, дышетӥсьёс, художникъёс, писательёс сяна, вуизы бускель ёросъёсысь делегациос. Туж пайдаё вал конференция. Ми сомында выльзэ тодӥм Михаил Атаманов сярысь. Удмурт кун университетысь, Историяя, кылъя но литературая Удмурт институтысь тодосчиослэн докладъёссы юн тунсыкоесь вал. Кылсярысь, филология наукаосъя кандидат Виктор Шибанов М. Атамановлэсь «Тангыра» эпоссэ эскериз. Та эпосысь ик нылкышно чеберлык сярысь доклад лэсьтӥз педагогика наукаосъя кандидат Любовь Фёдорова. Мыным тужгес но яраз  Ирина Нуриевалэн искусствоведлэн Кошкем даурысь кырӟанъёс сярысь мадемез.  Будапештысь Сираки Жофия но усто доклад дасям. Визьмо адямиосты кылзэм, соосын вераськем-кенешем потэ. Собере, ку ай дорамы вуысалзы сомында тодосчиос, быдэс дуннелы тодмо художникъёс. Пиналъёслы но гуртоос туж  сак кылзӥзы соосты, — шуэ Татьяна Алексеевна.

Митрополит Викторин вылӥ дунъяз  Михаил протодиаконэз. Со аспал эшмес ӵошатӥз Кирилл но Мефодий святойёсын.

— Та агай-вынъёс ӵош ужазы ке, отец Михаил огназ со быдӟа ужез вормиз, Библияез удмурт кылэ берыктӥз. Туннэ татчы, бадӟым ужрадэ, лыктыса, тамында калыкез адӟыса, мыным туж жаль, удмурт кылэз уг валаськы шуыса, — вераз отец Викторин.

атаманов

М. Атамановлэсь музей-корказэ усьтэм бере люкаськем калык дораз ӧз дырты на, конференцие вуэм куноос но кузёос кенешонзэс азьланьтӥзы, лабыртӥзы, кырӟазы-веразы.

Конференция йылпумъяськем бере ини Пуклё гуртын усьтӥзы Михаил Атамановлэсь корказэ. Михаил Гаврилович коньдон висъяз но, шаертодонъя музей борды колхоз юрт пуктӥз. Сое сӥё-дано усьтӥзы та нуналэ. Отын утӥське Михаил Атамановлэн библиотекаез. Уно книгаоссэ сяна, М. Атаманов татчы кузьмаз художникъёслэсь ужъёссэс, анаезлэсь дӥськутсэ но трос мукетсэ. М. Атамановлэсь музей-корказэ усьтэм бере люкаськем калык дораз ӧз дырты на, конференцие вуэм куноос но кузёос но чай юон сямен кенешонзэс азьланьтӥзы, лабыртӥзы, кырӟазы-веразы.

— Ми туж данъяськиськом Михаил Атамановен, но та конференция эшшо огпол возьматӥз, макем визьмо адями Михаил Гаврилович. Писатель-а, черкын ужась-а, шаерчи-а, кылысь кылэ берыктӥсь — ужъёсыз но вормонъёсыз паймыто, — шуэ Татьяна Коновалова.

Галина Семёнова

Туспуктэмъёс: УИИЯЛ УрО РАН

Удмурт Дунне
By Удмурт Дунне 24 сентября, 2015 12:55