«Лада Веста» автомобильёс вуз каронэ потозы шуркынмонэ

Удмурт Дунне
By Удмурт Дунне Сентябрь 16, 2015 09:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

2-11Туэ сентябрь пумын Ижысь автозаводын бичаны кутскозы «Лада Веста» автомобильёсты. Вуз каронэ поттыны чаклало ноябрь пумын.

Заводлэн конвейеръёсысьтыз 2015-тӥ арын 54 сюрс 404 машина поттэмын ни, со пӧлысь 2 сюрс 233-ез — августэ. Кылем арын та вакытэн ӵошатыса, со 2 поллы тросгес.

Предприятиын ялан выльдо ужан амалъёсты. Кылем арын 6 миллиард манет пала инвестициос кыскемын. Нимысьтыз саклык висъяське машинаослы воштос ёзъёс поттонъя кластер кылдытонлы — отчы элькунысьтымы 20-лэсь ятыр предприятиос сюрыны быгатозы. Озьы автозавод огкылъёс гожтӥз ни Глазовысь но Сарапулысь куд-ог огазеяськонъёсын — соос машиналы пуконъёс, рулез юнматӥсь арбериос но трос мукетсэ дасялозы. Али эшшо кӧня ке предприятиосын но огазеяськонъёсын вераськонъёс мыно, кылсярысь, «ИжАвтоТорм» поттыны быгатоз тормозлы гумыос, «Сарапульские АвтоТехнологии» огазеяськон — аудиосистемаос.

Та нуналъёсы автозаводэ вуылӥзы Удмуртилэн Тӧроез Александр Соловьёв. Со пусйиз автозаводлэсь азинскемзэ. «Автовазлэн» президентэз Бу Инге Андерсон шуиз:

— «Лада Веста» Россиысь устоез автомобиль луоз. Мон данъяськисько предприятиын ужасьёсын!

Сергей Захаров

Удмурт Дунне
By Удмурт Дунне Сентябрь 16, 2015 09:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<