Кулэмъёсты сӥлы карон сярысь лекция лыдӟозы Ижын

15-тӥ куарусёнэ 19 часын Ижысь «Сахар» арт-интыын  удмуртъёслэн йыр-пыд сётонзы но кулэмез ватонэн герӟаськем сям-йылолъёссы сярысь лекция луоз. Лыдӟоз сое история наукаосъя доктор Н. Шутова.

Вераны кулэ, Н. Шутова та темая трос ужъёс гожтӥз ни, диссертациез, археология удыслы сӥземын вал. Уно книгаосыз потэмын. Кылсярысь, тодосчи гожтӥз удмуртъёслэн вӧсяськон интыосты сӥлы каремзы сярысь, шайвылъёсты эскерыса, поттӥз 16-тӥ-19-тӥ дауръёсы улэм удмуртъёслэн улонзы сярысь книгазэ.

Та пумиськонын Н. Шутова вералоз, кызьы удмуртъёс адямиез ватылӥзы, кызьы «герӟаськылӥзы» адямиос сопал дуннее сюрем ӵыжы-выжыосыызы. Бадӟым саклык висъямын луоз выжыосслэн кулэмъёсты ватон, буре ваён,  йыр-пыд сётон йылолъёслы.

Тодосчи пусъёз, кызьы 19-тӥ даурысен та йылолъёс воштӥськизы.

«УД»