Кристина Ярская — «Главная сцена» вожвылъяськонын

Удмурт Дунне
By Удмурт Дунне 22 сентября, 2015 10:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кристина вордӥськемын Яр ёросысь Укан гуртын.

Шаерысьтымы усточи Кристина Ярская «Россия-1» телеканалын ортчись «Главная сцена» вожвылъяськонлэн 2-тӥ люкетаз шедиз.

Кристина бадӟым сцена вылэ потӥз гинэ — шаплы сямыз соку ик шӧдӥськиз. Задор мылкыдзэ дунъясьёслэсь чик ӧз ваты: «Мон тӥледыз адӟисько!» Нылаш лопыръяськыса-пальышаса быдэстӥз Валерий Леонтьевлэсь «Разноцветные ярмарки» кырӟанзэ.

Но ӵапак та дурыстэм мылкыдыз ик дунъясьёсты нырысь-валысь малпаськонэ вуттӥз. Валерий Леонтьев егит кырӟасез пыкылыны дыртӥз: кырӟан мур пуштросо, малпаськытӥсь, нош тӥ, пе, сое быдэстӥды укыр шулдыр. Д. Арбенина но В. Леонтьевен соглаш кариськиз. Но будэтӥз:

— Мыным туж кельшо губернской усточиос — куараосты жингресэсь, синъёсады тылгизьыос шудо. Тазьы уд вера бадӟым городъёсысь пинал кырӟасьёс сярысь, соослэн тусъёссы сылмыны кутскемын.

Кык дунъясьёс Кристиналы пумит мылкыдзэс веразы ке но, сцена вылын нылашлэн пальпотонэз ӧз кысылы. Шӧдӥз, луоз, сюлэмыз — Николай Носков куаӵак вераса куштӥз:

— Нош мыным Кристина кельшиз. Куараез жингрес!

Ярам коть, Носковлэн мылкыдыныз соглаш луиз Вячеслав Добрынин но. Малы, пе, мур пуштросо кырӟанэз одно ик ӝожмыт быдэстоно — ачиз нылаш пряник кадь ик ук!

Бускельёсызлэн тазьы вераськемзылы Валерий Леонтьев дась ӧй вал, лэся. Калык гуж! вазе, кизэ юн чабе. в. Леонтьевлы 30 секунд малпаськыны дыр сётӥзы. Ярскаялэн яркыт луэмез сюлэмзэ бугыртэм ик, лэся — ура! — Кристиналы конкурслэн кыкетӥ люкетаз потыны луонлык сётӥз.

Кристина вордӥськемын Яр ёросысь Укан гуртын. Зэмос фамилиез Данилова. 19-тћ сентябре солы 22 арес тырмиз. Кырӟан дуннеын берга ини 5 аресысен. Берло 3 арзэ та удыслы вань мылкыдзэ, визьзэ, дырзэ, быгатонлыксэ сётэ. Али нылаш улэ-вылэ Москваын. Эстрадалы, джаз искусстволы сӥзем крезьгуръя колледжын дышетске. Ужа городысь огаз кавер-группаын, караокеен кырӟа. «Матрёха» проектэн гастрольёсы пота.

Кристиналэн малпамезъя, туала эстрадаын кылзӥськыны номыре. Вань гуръёс лазегесь. Соин ик егит артистъёс бадӟым саклык мед висъясалзы калык культуралы.

Ольга Корепанова

 

Удмурт Дунне
By Удмурт Дунне 22 сентября, 2015 10:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<