Эстониын удмурт мультфильм лэсьто

Удмурт Дунне
By Удмурт Дунне 24 сентября, 2015 10:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Мультфильмез лэсьто но суредало «Eesti Joonisfilm» («Эстон мульт фильм») студиысь суредасьёс.

Эстониысь йӧскалык музей фин-угор выжы калыкъёслэн мадёсъёссыя мультфильмъёс лэсьто. Али дырлы кылдытэмын 9-эз, соос пӧлын  «Гондыръёслэн кылдэмзы» удмурт мульфильм.

Ми озьы дасяськиськом Йӧскалык музейез усьтон ужрадлы, али юртэз йылаз-пумаз вутто, нош ужаны со кутскоз ар ортчыса гинэ. Лэсьтэм мультфильмъёс музейын фин-угор экспозициялэн пичи люкетэз луо.  Соослэсьтэмын  удмурт, коми,  пор, эрзя, вепс, водь, ханты, манси,  саам калыкъёслэн фольклорзыя.  Котькуд мультфильм герӟаськемын музейысь кыӵе ке адӟытонэн  яке экспонатэн, соос кышномуртлэсь но ворогоронлэсь кусыпъёссэ возьмато.

Экспозициез дасян бордын али бадӟым команда выре. Пӧламы музейысь, Тарту университетысь тодосчиос, архитекторъёс, дизайнеръёс , мультфильм лэсьтисьёс но мукет ӧнерчиос.

Финн-угор экспозициез огъя радъясез мон луисько, кыл кутӥсько удмурт но пор люкетъёсыз понна. Удмуртъёслэсь улонзэс  кенос пыр (кен /öс) возьматыны малпай, соин ӵош кышномуртлэсь киужен выронзэ но бызьыны дасяськонзэ.  «Гондыръёслэн кылдэмзы» выжыкыл талы туж тупа (татын кышномурт гондырлы пӧрмем ведӥн-картэзлэсь  кеносэ пегӟе!)   Поръёсты  возьматон понна, удмурт-пор сюан ортчытом,  удмурт нылашмы порпилы  бызёз. Пор мультфильм но сюанэн герӟаськемын.  Одӥг пор нылашез 3 пол курало, 3 полаз ик нылаш но солэн анай-атайез соглаш луо. Та югдурысь потон понна  пор ныллэн анайез писейпиез но кучапиез ныл карыса будэтэ но курасьёслы кышнолы сётэ. Мон малпамъя, та выжыкыл поръёслэсь туж амало, кескич луэмзэс возьматэ.

Финн-угор мультфильмъёсамы кышномурт — пиосмурт кусыпъёс  юмор пыр возьматэмын. Кылсярысь, вепс мультфильмысь  тодыны луэ, малы кышномуртлэн ноку ужез уг быры, пиосмурт нош котьку тамак кыскыны дыр шедьтэ. Яке малы мансиос курам нылэз гондыр доры нуо…

Та выжыкылъёсты бырйизы тодосчиос-кураторъёс, мультфильмез  лэсьто но суредало «Eesti Joonisfilm» («Эстон мульт фильм») студиысь суредасьёс.  Выжыкылъёс, анай кылын  сяна, берыктэмын луозы англи, ӟуч но эстон кылъёсы. Та ужен выро Эстониын дышетскись финн-угор студентъёс но анай кылзэс ӟеч тодӥсь адямиос. Али дырлы мультфильмъёслы куара гожтӥськом. Татын но юрттӥсько студентъёс.

Светлана Карм

Туспуктӥз Николай Анисимов

Удмурт Дунне
By Удмурт Дунне 24 сентября, 2015 10:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<