Эрзя калыклэсь туала улонзэ адӟозы Москваын

Удмурт Дунне
By Удмурт Дунне 14 сентября, 2015 13:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

штатол18-тӥ куарусёнэ Мускоын усьтӥськоз эрзя калыклэн шулдыръяськонъёсызлы но сям-йылолъёсызлы сӥзем адӟытон. Со кылдӥз Мордовиысь эрзяослэн гуртъёстӥзы фольклор бичам бере.

2011-тӥ арын Казаньын ортчем «Сотворение мира» фестивальын «Ойме» эрзя группаысь кырӟась Ежевика Спиркина Россилэн Азьмуртэныз пумиське но куре солэсь юрттэт: Мордовиысь этнографической архивъёсты цифоровой форматэ выжтыны. Со бордысен кутске OYME крезьгуро группалэн но солэн эшъёсызлэн гуртъёстӥ фольклор бичаса ветлэмзы.

— Проектмылы «Штатол» (мокша кылысь «Воршуд сюсьтыл» шуыса берыктӥське) ним сётӥм.Туэ ми 4 аръем ужмылы йылпумъянъёс лэсьтыны дась, — вера Ежевика Спиркина. —   Солэн нырысетӥ люкетэз — со мокша но эрзя гуртъёсын лэсьтэм туспуктэмъёсын адӟытон.

Та дыр куспын OYME группалэн кичӧлтэмезъя вань мылкыд карисьёс ортчизы Мордовиысь эрзя но мокша гуртъёстӥ. Тодматскизы гуртъёсысь туала улонэн, калыкез видеое но фотое пуктылӥзы, калыклы концерт возьматъязы. «Ойме» крезьгуро группа калык кырӟанъёсты бичаз.

Быдэстэм ужез адӟыны луоз туспуктэмъёсысь но. Адӟытон ортчоз Москваын. Нимаське «Штатол: Эрзя. Шулдыръяськонъёс но сям-йылолъёс». Туспуктэмъёс озьы ик возьмато, кызьы эрзя калык шулдыръяське Маслань чиын(Вӧйдыр), Тундонь ильтямоын (Тол келян), сюанын.

Ужрад йылпумъяськоз эрзя кылын кырӟась «Ойме» группалэн концертэныз.

«УД»

Удмурт Дунне
By Удмурт Дунне 14 сентября, 2015 13:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<