Режиссёр Вуди Аллен писатель сямен. Шузи яке визьмо геройёсыз?

Удмурт Дунне
By Удмурт Дунне Сентябрь 22, 2015 12:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

вуди аленТросэз понна Вуди Аллен — тодмо режиссёр, сценарист, актёр. Алигес тодматски Вуди Аллен писателен — лыдӟи «Побочные эффекты» но «Сводя счёты» веросъёсын бичетъёссэ.

Мар шуод? Вуди Аллен — со литератураын но Вуди Аллен. Солэн геройёсыз — яке туж визьмо адямиос, кудъёсыз шузи улсы аналско, яке шузи адямиос, кудъёсызлэн визьмогес адӟиськемзы потэ. Ӵемгес писатель серекъя бадӟым карын улӥсь адямиосты но соослэсь пичи шуг-секытъёссэс — соосын тодматскыса, лыдӟись катьтэммытозяз серекъя. Сьӧд юмор, гротеск, абсурд, фантастикалэн тодметъёсыз — Вуди Аллен ваньзэ быгатыса кутэ. Озьы ке но писательлэн валтӥсь тодметэз луэ ирония, ӵемысь — самоирония. Ваньмыз веросъёсыз, киноосыз сямен, быдэсак соин пыӵамын. Юнме сое уг лыдъяло «интеллектуальной комедия» жанрез кылдытӥсен — солэн шузияськыса кадь мадён манерыз борды итӥське на философия. Писатель шуэ кадь: кылдэм секыт югдурысь потыны уд быгатӥськы ке, серекъя сое! Собере ватса на: мар бырйиськонэз, серекъя ваньзэ! Вуди Алленлэн исаськемезлэсь номыр но нокин уз пегӟы: пересьёс, еврейёс, университетысь профессоръёс, тодмо философъёс но писательёс, революция, кулон, семья кусыпъёс… Ваньзэ вераса ик, жадёд. Учкы котырад — ӧвӧл, дыр, сыӵе маке яке кин ке, кинэ Вуди Аллен серем ӧз на кары. Оло, удмуртъёсты сяна.

Вуди Алленлэсь веросъёссэ лыдӟем бере шуг-секытъёс шоры мукет сямен учкыны кутскиськод. Пессимистъёсты суредаса, со дышетэ оптимизмлы. Мур философиен улӥсь адямиосты возьматыса, дышетэ огшорыгес луыны. «Нью-Йорклэн валтӥсь невротикез» юрттэ асьмелы нюръяськыны неврозэн.

Анастасия Шумилова

Удмурт Дунне
By Удмурт Дунне Сентябрь 22, 2015 12:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<