Кудӟытӥсь юонъёсты вузанъя законэ воштонъёс пыртыны чаклало

Удмурт Дунне
By Удмурт Дунне 25 августа, 2015 10:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
20339,магазин,торговля алкогольной продукцией,пиво

Улӥсьёс ӝожтӥсько: шулдыръяськыны вуэмъёс куаш потто, нылпи площадкаосын но азбаръёсын пуко, керето, жугисько.

Йыртэман но янгыше кылён учыръёс ӵемысь юэм йырын луо. Мар кароно соосты кулэстон понна?

Кун Кенешысь Гурт удысъя, музъем кусыпъёсъя но инкуазез утёнъя ялан ужась комиссиысь депутатъёс курытсэ вузанъя законэ воштонъёс пыртыны медо.

— Законъя кудӟытӥсеныз вуз карыны лэзьымтэ 1-тӥ сентябрь но 25-тӥ май нуналъёс. Но куддыръя соос тупало шутэтскон нуналэ. Соин валче та праздникъёсты мукет нуналлы выжтоно луэ. Но мукет дырлы уг выжы юонэн вузаськыны алон, — шуэ комиссиен кивалтӥсь Владимир Варламов. — Соин ик законэз тупатоно, нылпиослэн праздниксы дыръя кудӟытӥсь юонъёсты нокытысь басьтыны медаз луы.

Мукет но йырвисён вань. Куд-ог кафеос, ресторанъёс улоно коркаослэн липет улазы интыяськемын. Улӥсьёс ӝожтӥсько: шулдыръяськыны вуэмъёс куаш потто, нылпи площадкаосын но азбаръёсын пуко, керето, жугисько. Туннэ уго 22 часысен 10 часозь магазинъёс гинэ курытэныз вуз карыны уг быгато, нош баръёслы но кафеослы сыӵе куронъёс пуктэмын ӧвӧл. Соин ик комиссиысь ёзчиос ӵекто: ресторанлэн пырон ӧсъёсыз азбаре учко ке, курытсэ вуз карыны воксё алоно. Пыронэз ульчае учке ке, соку магазинъёслы кадь ик куронъёс пуктоно. Алонъёс чурытэсь луизы ке, йыртэман учыръёс но кулэсмозы. Туннэ вераськонъёс мыно кудӟытӥсьсэ вузаны лэзьымтэ дырез кузёмытон сярысь.

Елена Сараматова

Туспуктӥз Александр Горбунов

Удмурт Дунне
By Удмурт Дунне 25 августа, 2015 10:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<