«YLEТАЙ» рок фестивале 23 рок-группа вуылӥз

Удмурт Дунне
By Удмурт Дунне 13 августа, 2015 08:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Нечкино центр арлы быдэ ӧсъёссэ вӧлак усьтэ рок тулкымъёслы. Туэ отын ортчиз 9-тӥез «YLEТАЙ» рок фестиваль.

Нюлэс кушын интыськемын палаткаослэсь лагерь. Шашлыклэн ческыт зыныз лӧсъяське, тылскем котыре адямиос люкаськиллям но яратоно кырӟанъёссэс кырӟало. Вамышлы быдэ пумисько яркыт-вож, лемлет йырсиосын, ирокезъёсын, жильыосын адямиос. Сцена доры чуртнаськыны ӧз пӧрмы. Кылзћсьёслэн мылкыдзы ӟырдамын. Шуласа, кичабонъёссэс жалятэк, келяло «Гольфстрим» группаез. Ваньзы чидатэк возьмало ини мукет кырӟасьёсты. Тани-тани потоз «Кукрыниксы». Но… кыӵе ке шугъяськонъёс кылдӥзы куараен. Ужрадэз нуись калыкез буйгатыны тырше.

Туэ Нечкиное Россиысь 23 рок группа вуиз. Рок тулкымъёс арысь аре тросгес калыкез бордазы кыско, туэ мында, 6 сюрс пала, калык фестивале ӧз люкаськылы на вал. Нечкиное вуизы, Удмуртиысь сяна, Пермь, Киров, Екатеринбург улосъёсысь, Татарстанысь, Башкириысь рокез дунъясьёс. Туэ хедлайнеръёс но данак: «Кукрыниксы», «Louna», «Элизиум», «Тараканы», «Княzz», «Ария».

боб

Туэ хедлайнеръёс но данак: «Кукрыниксы», «Louna», «Элизиум», «Тараканы», «Княzz», «Ария».

Быдэс час выризы инструментъёслэсь куаразэс тупатыны. Калык куашетэмысь уг дугды: «Кукрыниксы»! кесясько, артистъёсты сцена вылэ куро. Потӥзы…
— Ӝутэ вылӥе киостэс! Сюръёс пуктылэ! — шуо сцена вылысен.

Котыр ӝутско киос, крезьгур тулкымъёслэн кужмо бурдъёссы мугорез быдэс шобырто кадь. Сюлэм инструментъёслэн куаразыя йыггетыны кутске. Яратоно кырӟанъёссэс адямиос артистъёсын валче быдэсто.

Кылем арын ӵапак та нуналъёсы улонысь кошкиз рок крезьгурлэн яркыт кизилиез, «Король и Шут» группалэн азьветлӥсез Михаил Горшенёв. Солэн выныз, «Кукрыниксы» группалэн вокалистэз Алексей Горшенёв, агайзэ буре вайыса, кырӟан быдэстӥз.

снрапаул

Нюлэс кушын интыськемын палаткаослэсь лагерь.

«Louna» потыку, калыклэн мылкыдыз пӧзе ини вал. Кырӟасез тэтчаса пумитазы, донгаськыны, шузияськыны кутскизы. Вӧзысьтым эшъёсы буйгатӥзы: со, пе, слэм. Рок концертъёсын кылзӥсьёс озьы мылкыдзэс палькко, пе. Артистка калыкез эшшо но ӝутка на, тросгес адямиез слэме кыскыны выре.

Концерт йылпумъяськыку, ӟардэ ни вал. 5 час ӵоже тэтчаса, мугор катьтэммиз. Ӵуказелы кужым люкано…

Фестивальлэн 2-тӥ нуналаз сцена доры ик чуртнаськыны быгатӥмы. Вӧзамы егит семья. Атаезлэн пельпум вылаз 5-6 аресъем нылаш. Паймоно: киоссэ вылэ ӝутыса, чиньыосыныз сюръёс пуктэм но крезьгуръя веттаське.

«Тараканы» группалэн кырӟасез Дмитрий Спирин сцена вылын тэтча, со борды итӥсько кылзӥсьёс но. Артист калыкез дораз тубыны ӧтиз, озьы валче кырӟазы но эктӥзы. Номеръёссы бырем бере но группаысь артистъёс кошкыны ӧз дыртэ: учкисьёсын вераськизы, автографъёс сётказы.

_AvrmS2821g

Яратоно кырӟанъёссэс адямиос артистъёсын валче быдэсто.

«КняZz» группалэн тросэз кырӟанъёсыз пеймыт буёлъёсын тырмемын ке но, соос мылкыдэз уг пачкато, пумит — рок крезьгурлэн паймымон кужымезлэсь лобиськод кадь.

Фестивалез йылпумъяз «Ария». Группа кылдэмез дырысен трос воштӥськонъёсты адӟиз ке но, кырӟанъёсыз весяклы кылизы рок крезьгурез дунъясьёслэн сюлэмъёсазы.

Ангелина Снигирёва

Андрей Бобылёв

Удмурт Дунне
By Удмурт Дунне 13 августа, 2015 08:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<