Ульчаос паськыталозы, гопъёс волялозы

Удмурт Дунне
By Удмурт Дунне 10 августа, 2015 11:30

OLYMPUS DIGITAL CAMERAТуэ шоркарамы 30-лэсь уно урамъёсысь сюресъёс но городысь 60-лэсь трос азбаръёс тупатэмын луыны кулэ. 

Та вакытэ сюресъёсты выльдо Ижысь Маяковский, Щорс, Воровский, Азин, Базисной, Смоленской но мукет ульчаосын. Шоркарлэн котькуд ёросаз сюресъёс воляло: кытын ке выль асфальт вӧлдӥське, кытын ке бадӟым гопъёс асфальтэн яке векчи изэн шобырско.

Город администрациысь транспортъя но благоустройствоя управленилэн ивортэмезъя, туэ Ижысь куд-ог ульчаос но, сюрес вожъёс но паськыталозы. Кылсярысь, К. Маркс ульчалэн оглюкетэз вӧл-вӧлгес луоз. Южной автостанция паласен центре ширтӥсьёс К. Маркс но Магистральной сюрес вожын кема сылоно уз луэ. Матысь дыре татысь сюрес урдэсэз паськытатозы. Озьы ик эрикогес луоз Камбарской урамын. Паллянэ (Союзной ульчае) кожисьёс шонерак ширтӥсьёслы медаз люкетэ шуыса, сюреслэн та люкетэз озьы ик машинаен ветлымон паськыталоз.Бадӟыматозы на Авангардной, Милиционной, Киров ульчаослэсь оглюкетъёссэс.

Пӧсьтолэзьлэн шорысеныз ини руль сьӧрын пукисьёс шугъясько К. Маркс но Чугуевский сюрес вожын трамвай ветлон сюресэз тупатъямысь. Лэсьтӥськон ужъёс йылпумъяськыны кулэ ни вал 1-тӥ гудырикошконэ. Но туннэ ке но татын машинаен ветлӥсьёслы сюрес быдэсак усьтэмын ӧвӧл. Иж город администрацилэн сайтэз ивортэ: К. Маркс ульчалэн та интыяз выльдӥськон ужъёс кыстӥськозы на 14-тӥ гудырикошконозь.

Галина Семёнова 

Туспуктӥз Александр Горбунов

 

Удмурт Дунне
By Удмурт Дунне 10 августа, 2015 11:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<