«Тулкым» сменалэн ӟечлыкез арысь аре будэ

Удмурт Дунне
By Удмурт Дунне 6 августа, 2015 18:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Аслэсьтыз ужзэ йылпумъяз «Шунды огазеяськонэн радъям трос нылпиё семьяосысь пиналъёслы «Тулкым» лагерь. Со трос емышъёсыныз ушъяськыны быгатэ.

— «Тулкым» смена ортчытӥське нылпиослэсь асваланзэс ӝутон понна, – вера сменалэн тӧроез Лариса Ускова. – Татчы вуэмын туж визьмо нылпиос, но соос возьдасько адӟытыны асьсэлэсь быгатонлыкъёссэс. Ми юрттӥськом пиналъёслы усьтӥськыны, калык пӧлын асьсэзыс чебер возьыны. Со понна ми ортчытъяськом пӧртэм тренингъёс но ужрадъёс.

SONY DSC

40 нылпиос ужазы 4 ӧръёсъя. Одӥгъёсыз театр отрядын тыршизы, кыкетӥосыз журналистлэн уженыз тодматскизы, куинетӥосыз видеоос лэсьтылӥзы, ньылетӥосыз калык кырӟан-эктонъёсты дышетӥзы. 10 нунал ӵоже пиналъёсты визьнодазы ӧнерчиос – «Удмурт дунне» газетысь журналист Мария Векшина, видеоосын вырись Владимир Вахрушев, психолог, режиссёр Лариса Ускова но «Арганчи» ансамбльыысь арганчи Кристина Сорокина.

Арысь аре «Тулкым» сменалэн ӟечлыкез будэ. Со сярысь верало быдэстэм ужъёс. Смена ӵоже трос тунсыко малпанъёс улонэ пыӵатэмын вал. Видеоискусство отрядысь пиналъёсын ӵош лэсьтэмын Мурӝол Undeground кырӟасьлэн «Мыным кельше» клипезлы кавер, журналистика отряд поттӥз 2 радиовыпуск но смена сярысь газет.

Лагерьлэн берпуметӥ нуналъёсаз адӟиськыны кутскизы тренингъёслэн но емышъёссы: пиналъёслэн асьсэ кужымзылы осконзы, асваланзы будӥз, соос усьтӥськизы. Озьыен, «Тулкым» кадь сменаос удмурт нылпиослы туж кулэ. Пиналъёслы со бадӟым улонэ нуись тубатлэн нырысетӥ лёгетэз луэ.

«УД»

 

 

 

 

Удмурт Дунне
By Удмурт Дунне 6 августа, 2015 18:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<