Туэ ЕГЭ-ез 100 баллы сётӥсьёс шаерамы 27 кузя

Удмурт Дунне
By Удмурт Дунне 20 августа, 2015 08:34

Туэ ЕГЭ-ез 100 баллы сётӥсьёс шаерамы 27 кузя люкаськизы. 2014-тӥ арен ӵошатоно ке, та лыдпус 2 муртлы йылӥз. Математика предметъя экзамен сётонын ке шат шугъяськонъёс кылдӥзы: 31 мурт заданиосты быдэстыны ӧз быгаты. Миым 33 мурт шуге-леке вуиз вал.

— Трос пӧртэм вераськонъёс пуромыло ЕГЭ пумысен, — вераз Алексей Анатольевич. — Адямилэсь тодон-валанзэ соин гинэ мертаны нокызьы уг яра, шуо. Но туннэ мукет рос-прос мертэт малпамтэ на. Соин ик матысь аръёсы ЕГЭ-лэсь ум куштӥське. Со сяна, 2016-тӥ арысен 9-тӥ классэз йылпумъясьёс 4 предметъя одно ик экзамен сётоно луозы ни. Татчыозь соос аттестат басьтон понна ӟуч кылъя но математикая гинэ тодон-валанзэс возьматӥзы. Табере ватсаса 2 предметэз ас мылкыдзыя быръёно луозы.

068964,последний звонок,школа

2016-тӥ арысен 9-тӥ классэз йылпумъясьёс 4 предметъя одно ик экзамен сётоно луозы ни.

Алексей Мирошниченко лыдъя: таӵе амалэз уже кутон юрттоз пиналлы азьвыл ик быръёно профессиез сярысь малпаськыны но кулэ луись предметъёсъя рос-прос дышетскыны. Зэм, кылдэ мукетыз юан: пинал мурт соку ик рос-прос ятвылтыны быгатоз меда, кин луэмез потэ шуыса? Вузэз йылпумъяса но, куд-огезлы специальностез сюлэмызъя уг луы ай. Но министр пусъемъя, туннэ котькудӥныз дышетскисен визьнодасьёс но психологъёс нимысьтыз ужалозы, котькудӥзлы юрттозы ассэ шедьтыны. Со сяна, чаклало вузъёсы пырыны уногес целевой направлениос висъяны. Егит муртлы но оскон луоз, дышетскемез бере сое одно ик уже кутозы шуыса.

Туннэ егитъёс уногес пыро лэсьтӥськон, экономика, менеджмент удысэн герӟаськем вузъёсы но колледжъёсы. Зоотехнике, агрономе лыктӥсьёс кулэсмо. Югдур пӧртэм ӧвӧл дышетӥсьёсын но. Школаосын 678 инты буш. Туннэ шаерамы 32 сюрс визьнодась, та пӧлысь 13,5 сюрсэз ужало школаосын. Уноез дышетӥсьёс 1 но ӝыны ставкаез басьтоно луо.

Елена Сараматова

Туспуктӥз Александр Горбунов

 

Удмурт Дунне
By Удмурт Дунне 20 августа, 2015 08:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<