Россиын 2025-тӥ арозь чакламын 14 сюрс школа пуктыны

Удмурт Дунне
By Удмурт Дунне 18 августа, 2015 09:20
??????????

Вуоно арын чакламын 6 выль школа ӝутыны. Таос пӧлысь 3-ез луоз Ижын, нош мукетъёсыз Алнаш, Кез но Сьӧлта ёросъёсын.

Шаерысьтымы 1 сюрс 419 школаос выль дышетскон арлы дасямын луыны кулэ. Соосты выльдыны федерал бюджетысь но республикамылэн кисыысьтыз висъямын ог 1,4 миллиард манет.

Ог 86 процентэз школаос пиналъёсты пумитаны дасесь ни. 32 школаосын спортзалъёссы тупатъямын, инвентарь басьтэмын, 36 дышетон юртын виясь липетъёссы кышъямын, 10-аз укнооссы воштэмын. Азьланяз но тупатъян ужъёс уз вунэ. Бадӟым саклык висъяське сӧсыр пиналъёслэсь улон-вылонзэс капчиятонлы. Со понна «Доступная среда» программая 44 школа выльдэмын ни.

— Россиын 2025-тӥ арозь чакламын 14 сюрс школа пуктыны, — вера Алексей Анатольевич. — Со лэсьтӥське, вань пиналъёс одӥг сменаен мед дышетскозы шуыса. Туннэ кенешиськомы ёрос кивалтӥсьёсын, кытчы умойгес луоз выль школаос ӝутыны.Санэ одно ик басьтӥськоз вордӥськемъёслэн лыдзы но. Вуоно арын чакламын 6 выль школа ӝутыны. Таос пӧлысь 3-ез луоз Ижын, нош мукетъёсыз Алнаш, Кез но Сьӧлта ёросъёсын.

Нялтас вераса, нылпи садъёс но палэнэ уз кыле. Алексей Мирошниченко верамъя, туннэ шаерамы садэ сюрон понна черодын 48 сюрс 298 пинал. 1-тӥ январёзь 3-ысен 7 аресозь пиналъёсты ваньзэсты интыяны малпало. Матысь дыре чакламын 7 выль нылпи сад усьтыны, со — 1 сюрс 251 интылы.

— Черод вань бере, частной садъёслэсь куштӥськыны уг луы. Ижын гинэ соос 50 пала. Зэм, пӧлысьтызы 2-езлэн гинэ пиналъёсты визьноданы лицензизы вань. Мукетъёсыз тэшкылиосты утёнэн, дырзэс шулдыртонэн гинэ выро. Но 2016-тӥ арын ужпум пуктэмын: вань нылпи садъёс пӧлысь 3 процентсэ ужбергатӥсьёс кие сётоно, — шуиз министр.

Елена Сараматова

Удмурт Дунне
By Удмурт Дунне 18 августа, 2015 09:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<