Польшаысь ваем 1 тонна 668 килограмм улмоез лёгазы!

Удмурт Дунне
By Удмурт Дунне 25 августа, 2015 08:42

Ижысь одӥгаз складысь 1 тонна 668 килограмм Польшаысь улмо шедьтэмын. Та ваньбур Иж котырысь Нылга трактысь жуг-жаг куянэ кисьтэмын но тракторен паньгатэмын.

Ар талэсь азьвыл Владимир Путин Указ поттӥз: Евросоюзысь но США-ысь сиён-юонэз асьме доры быдэс ар ӵоже вуттыны уг яра. Евросоюз Россилы пумит пуктэм санкциоссэ татчыозь ӧз кулэсты бере, Владимир Владимирович но алонэз эшшо одӥг арлы кузёмытыны косӥз. Туэ 6-тӥ августысен отысь сиён-юон асьме кунгожез ортчиз ке, сое жалятэк быдтыны чакламын.

Ар ӵоже адӟиськиз: куд-ог кунъёс асьсэ вуззэс Белоруссия пыр асьме доры вутто. Кылсярысь, Польшаысь улмо Россие кескич амалэн вуэмысь ӧз дугды. Таӵе югдур медаз луы ни шуыса, табере алэм вузэз быдтыны косэмын. Зарезь чорыг, сӥль но солэсь лэсьтэм сиён, йӧл но солэсь лэсьтэм сиён, емыш, чечы — номыре но уз жалялэ. Соку, оло, асьме доры вуззэ лушкем келясь но быроз. Соку 10 ар ӵоже асьме производительёс вузъёсынызы кунгож сьӧрысь сиёнъёсты быдэсак воштыны пӧрмытозы, шуэ Россиысь гурт удысъя министр Александр Ткачёв. Югдурез эскерыны оскемын Роспотребнадзорлы, Россельхознадзорлы, Прокуратуралы но Таможнялы.

улмо

Лушкем вузэз таланы табере судлэсь решенизэ но возьманы кулэ ӧвӧл. Соин ик матысь дыре магазинъёсты, заводъёсты но складъёсты эскеремысь уз дугдэ.

Та нуналъёсы шаерысьтымы эскерисьёс котырскизы магазинъёстӥ но емыш возёнъя базаостӥ. Шедьтэмын контрабанда амалэн ваем ог 2 тонна нумырњем улмо. 100 сюрс манет тыр яблок тракторен пуньырӟытэмын.

— Улмоез Поймае ваем мурт ӧз сюры. Складлэн кузёез танӥськиз: уг, пе, тодӥськы вал, вуз алэмъёсыз пӧлысь шуыса, бордаз гожтэмын ӧвӧл ук, — вера Россельхознадзорлэн Киров улосъя но Удмурт Республикая управлениысьтыз кивалтӥсьлэн воштӥсез Александр Тюнин. — Но Польшаысь улмолэн ящикъёсыз ик мукетэсь: пеймыт буёло, аслаз штрих-кодъёсыз. Нуналлы быдэ шаерамы бадӟымесь фураосын пырто ог 1 сюрс тонна лушкем улмо. Ӵемысь вуо соос Белоруссиысь но Литваысь. Документъёсты учконо ке, соос Казахстанэз сюдыны чакламын. Но сюрес лёго Россиысь складъёсы но магазинъёсы. Куддыр воксё но документъёсты «пӧрало»: Мароккоын но Китайын будэтэмын гожтэмын, но учкиськод-веръяськод ке, Польшаысь шуыса, валаськод. Утиське но со, мукет яблокъёсын ӵошатыса, умойгес. Талы паймыны но кулэ кадь: кин тодэ, маин пазямын.

Азьвыл но алэм продукциез чаклаллязы. Но татчыозь эскерисьёслэн правозы ӧй вал сое быдтыны. Чурыт кариськон кемалась кулэ ни вал, шуэ Александр Тюнин.

Лушкем вузэз таланы табере судлэсь решенизэ но возьманы кулэ ӧвӧл. Соин ик матысь дыре магазинъёсты, заводъёсты но складъёсты эскеремысь уз дугдэ.

— Указ кылдэмлы шумпотыны гинэ кулэ, — шуэ гурт удысъя но сиён-юонъя министрлэн воштӥсез Олег Урасинов. — Зэм, удмурт шаермы ассэ улмоен сюдыны ноку уз вормы. Вавож ёросын ас вакытаз улмо сад вал, али но отын емыш будэтыны выро, компотъёс лэсьто, но со тырмыт ӧвӧл, эшшо улмоез кема утьыны уг луы. Яблокпу будэтыны куазьмы уг тупа, кисьмаса но со уггес вуы. Соин ик асьмеос Краснодарен но Крымен ӵошатӥськыны ум быгатэ. Собере улмо сад будэтыны аръёс кулэ, емышлэсь сиён-юон лэсьтонъя предприятиос пуктоно, сертификат басьтоно на. Талы туж трос уксё кулэ. Но Польшаысь интые, Краснодарысь улмо басьтыны луэ. Эсьма, Россилэсь экономиказэ азинтыны но юрттомы.

Елена Сараматова

Удмурт Дунне
By Удмурт Дунне 25 августа, 2015 08:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<