Отпусклэсь ӟеч мар вань? Уж!

Удмурт Дунне
By Удмурт Дунне 7 августа, 2015 08:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Зинаида Рябинина, валтӥсь редактор

Зинаида Рябинина, валтӥсь редактор

Уг яратӥськы туэ гужемез — пӧсь уг кариськы, укно сьӧрын зоре, бакча сисьме, пиналъёс, урамын бызьылэм интые, компьютер сьӧрын пуко…

Кин ке но акыльтэ но, гужемез утчаса, сьӧрло кошке. Но татын но ваньмызлы уг удалты: уд оскелэ, асьме зарезь дуре мыныны поездэ но, самолётэ но билетъёс ӧвӧл! Адямиос кузь сюрес вылэ пото машинаен. Ярам, трос сюрс иськем сюресъёсты ӟечен ортчо ке, но нуналлы быдэ сямен телевизор пыр верало шудтэм учыръёс сярысь. Кемалась ӧвӧл мон ачим 5 сюрс иськем сюресэз ортчи, кытӥ-отӥ шай дуртӥ ортчим кадь потӥз — сюрес урдсы памятникъёс кизем кадь пуктылэмын… Табере кема озьы ворттылыны уг дӥсьты, дыр.

Кышкыт сюрес сянаез бен ваньмыз туж умой — гужем вань ик вылэм! Крымын, кылсярысь, 35-40 градус, чильпырась зарезь, кужмо гурезьёс но яркыт инкуазь… Кинлэн кунгож сьӧры потыны кузь коньдонэз ӧвӧл — ӵапак тупамон инты. Зэм, гань-гань шутэтскыны ӧжытак люкетэ… яратоно профессиед. Но журналист луэмдэ вунэтоно, мултэс юалляськоно ӧвӧл ке, туж усто. Юалляськоно ке, мылкыд ӧжытак куашка — угось асьмеос возьмамъя, Крым калык туж шумпотэ Россиен огазеяськемезлы, нош соослы, жаляса верано — «дунне»… Кытын ӟеч, отын умой, шуэм сямен. Кызьы соос шуо, Россиен оскымонгес, но милем кулэ со-да-та-да-мар-да… Туристъёсты патерын воземзы понна налог но медаз басьтэ, пенсия но тросгес мед тырозы. Майбыр. Пролив пыр выж лэсьтӥзы ке, югдур умойгес луоз, пе — соку крымъёс асьсэды зэмос россиянъёсын лыдъялозы, али нош вераськоназы ялан «отын, Россиын» шуыло на. Но югдурез дас ар талэсь азьло вакытъёсын нокызьы но уд ӵошаты ни — соку соос туж вылтӥяськисесь вал.

Шуо, отпуск котьку вакчи, нош со бере выльысь ӧраз пырыны туж секыт. Бен, азгынмоно, но куке одӥгез эшед шуэ, ӝыны ар уже интыяськыны уг быгатӥськы… Соин ик кинлэн та нуналъёсы отпускез йылпумъяське, шумпотэ: понедельнике тӥледлы вань кытчы мыныны, кытын асьтэды возьматыны, пайда лэсьтыны, кытысь уждун басьтыны.

Удмурт Дунне
By Удмурт Дунне 7 августа, 2015 08:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<