Одӥг семьяысь 3 адями виемын

Удмурт Дунне
By Удмурт Дунне 18 августа, 2015 12:14

Бырем семьялэн коркаез.

Алнаш ёросысь Гондыргуртын кӧшкемыт учыр луиз: пуртэн бышкаса, виемын одӥг семьяысь 3 адями. Йыруж лэсьтӥсь пытсэт сьӧры келямын.

Удмуртиысь югдурез утёнъя министр Александр Первухинлэн верамезъя, кышкыт учыр 14-тӥ гудырикошконэ луиз. Тодмотэм воргорон пуртэн бышкаса вииз Алнаш ёросысь Гондыргуртысь 86 аресъем песянаез, солэсь 60 аресъем нылзэ но 32 аресъем пиосмуртэз.

Йыруж лэсьтӥсьлы кема пегаса ветлыны ӧз кылды, мукет нуналаз солэн дораз полициысь ужасьёс вуизы, пиезлэн йыртэмамез сярысь воргоронлэн анаезлы ивортӥзы. Анаез, тае тодэмез бере ик, кияз гозы кутӥз но гидаз потӥз. Полицейскойёс сое кулэмен шедьтӥзы.

Йыруж лэсьтэм пиосмурт вераз ни: 32 аресъем воргоронлэсь пунэмзэ берыктыны куре вылэм.

— Кык воргоронъёс куспын керетон пуромем. Одӥгез мукетсэ пуртые бышкалтэм, — ивортэ Следствие нуонъя комитет. — Пиезлэсь кесяськемзэ кылыса, ураме потэм Сергейлэн анаез. Сое но йыруж лэсьтӥсь пуртэн бышкалтэм. Корка пырыса, быдтэм на песянаез.

Гуртоос уг оско, али пытсэт сьӧрын пукись пиосмурт сыӵе йыруж лэсьтӥз шуыса. Угось воргоронэз ноку юэмен ӧз адӟылэ, со кышнояськемын, пичи нылпизы будэ.

«УД»

Удмурт Дунне
By Удмурт Дунне 18 августа, 2015 12:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<