Мар сярысь гожъяло чуралиос

Удмурт Дунне
By Удмурт Дунне Август 27, 2015 13:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Венгер сюан

[udmurtanaj.tumblr.com]
Мадьяръёс сюаназы асьме дорын кадь шудонъёс уг ортчытъяло. Эн но ӧте соосты шудыны: костюмъёсын выступлениос, пиос вылэ юбка, парикъёс дӥсян соослы валантэм потэ. олокыӵе но конкурсъёсын уксё уг бичало, сизьым выж вылтӥ уг ворттыло.
Но соослэн но вань «тамадазы» — со котьку но пияш луэ, эмеспилэн йырыз шуо сое. Туала арын, конечно, со эмеспилы чик тодмотэм адями но луыны быгатэ. Тамада ваньзэ нуэ-радъя, сюанчиосты ӝӧк сьӧры пуктэ, радызъя возьматэ сиён-юонэз, нырысь ик егитъёсты утялтэ. Со ваньзэ серекъяса-мактаса вера. Мае венгер тамада одно ик ортчытэ — со паровозэн шудон: ваньзы бӧрсьысь-бӧрсе султо но читыр-чутыр ветло, я огшоры мыныса, я бускельзылэн пельыз борды кутскыса, я пыдесъяськыса…

Визь

[udmurto4ka.blogspot.ru]
Ӵукна лыдӟи Данил Дехкановлэсь туж тунсыко статьязэ. Отын верамын, мар кароно, визь деградация медаз кутскы шуыса. Куке тон весь вераськиськод одӥг адямиосын, ужад яке дышетсконад весь одӥг сюресъя ветлӥськод, лыдӟиськод одӥг авторез, вуылӥськод одӥг кафее, ресторанэ, соку сак кариськоно. Дехканов шуэ: адямилэн йырвиымез туж азьтэм. Солэн уг поты выль ужлы кужымзэ быдтэмез. Соин ик сое весь ужатоно.

Кылыз!

[kepics.tumblr.com]
Домодедовоын самолёт возьмакумы, трос адямиос пӧлысь одӥг пиосмурт шоры возьматыса, нылы шуэ:
— Таиз удмурт, мама?!
— Кытӥыз бон удмурт?
Эмилия малпаськытэк, кылзэ поттыса:
— Кылыз!

МАФУН

[muketulon.tumblr.com]
Ужаз СМИ сярысь секция, удмуртъёс кызьы но озьы веразы блогъёссы сярысь, кӧня ке комментарийёс вал мордва газет но радио сярысь. Нош кытын, кылсярысь, комиос? Мон лыдӟылӥ, соослэн но блогъёссы вань шуыса. Оло, соос но возьматысалзы ке, луысалзы кыӵе ке ченгешонъёс, вераськонъёс. Оло, соослэн блогъёсыз азинтонъя удмуртъёслэсь умойгес проектъёссы вань, кин ке адӟем карысал, оло… Озьы ик поп-культурая секциын. Удмуртъёс возьматӥзы асьсэ проектъёссэс, секциез нуись эрзя ныл вераз аслаз «Ойме» группаез сярысь, нош мукетъёсыз шып уло […] Озьы, мафун-лэн конгрессаз удмуртъёс котьку азьланьын адскизы. Нош зэмос удмурт эшъяськон адӟиськоз, кык ар ортчыса, Ижын конгрессын.

Мама, гужем

[emeznyl.blogspot.ru]
Шунды силэн бамме вешамезлэсь сайкай. Ческыт уммен люкиськыса, каллен усьтӥ синъёсме. Али инвожо — котькытын но вож турынлэн но сяськаослэн нап зынзы вӧлмемын. Гужеммм. Шобретэз палэнтыса, гольык пыдъёсме муз вылэ лэзи. Коркан чус. Хм. Паймымон. Нош кытын мама? Ӧвӧл. Гидкуазьын шат? А-а! — шуак чилектэм кадь йырам лыктӥз — со бакча бере борыяны мынӥз, дыр!
Мамаез утчано. Тани мон, бакчае потыса, межа кузя васькисько ини. Милям бакча берамы нюкулмы вань — отӥ, пыдэстӥз, сюбег, лазег шур бызе. Дораз вуыса, вуысь мычиськем изъёстӥ тэтчаса, мукет ярдуре потӥ. Татын милям выжыкылын кадь — ӝужыт-ӝужыт гурезьёс, агай-вынъёс кадь, артэ сыло, нош самой ӝужытэзлэн бамалаз, зэм но — мынам мамае! Мыкырскем но боры бича, монэ уг адӟы.

Dart

Удмурт Дунне
By Удмурт Дунне Август 27, 2015 13:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<