Кытын шутэтско нылпиосмы?

Удмурт Дунне
By Удмурт Дунне Август 27, 2015 13:49

«Калык фронт» огазеяськон эскериз 7 нылпи лагерьёсты. 3-ез гинэ соос пӧлысь огъя куронъёслы тупало.

Огазеяськонлэн ёзчиосыз вуылӥзы Якшур-Бӧдья, Вотка, Сарапул, Глазов но Шаркан ёросъёсын интыяськем пӧртэм лагеръёсы.

— Нылпи лагерьёсты ми чаклам 22 куронъёсъя, — вера «Калык фронт» огазеяськонлэн ёзчиез Андрей Цаплин.  — Учким шудонлы висъям интыосты, медпунктъёсты, улон интыосты, тодматским нылпиослэн нунал радлыкенызы но мукетыныз. Вераны луоз, умой шутэтско «Орлёнок», «Алые зори», «Звёздочка» лагеръёсы сюрем нылпиос.

Мукетъёсаз я шуныт вузы кран улысь уг бызьы, я туалетсы кырын интыяськемын, я  корпусъёссы вужесь. Кылсярысь, лагеръёсын нылпиослэн улон интызы 2 этажъемесь луыны кулэ, нош Вотка ёросысь «Пламя» лагерь, та сярысь уг тоды, лэся. Отын корпусъёссы 3 этажъемесь. Якшур-Бӧдья ёросысь «Энергетик» лагерьын шутэтскись нылпиослы бушатскыны педло потано луэ. Вылаз ик, нимысьтыз висъетъёс но та лагерьысь сёросъёсын лэсьтэмын ӧвӧл. Шуныт вузы нош душын гинэ бызе.

Озьы ик шараяськиз, тросэз лагерьёс секыт югдуре шедем но трос нылпиё семьяослы дунтэк путёвка сётыны ӵемысь пумит луо шуыса.  Та югдурез тупатон борды «Калык фронт» нимысьтыз басьтӥськиз.

Удмурт Дунне
By Удмурт Дунне Август 27, 2015 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<