Котькуд ар быгатӥсь егитъёс понна Крымын «Таврида» форум ортче

Удмурт Дунне
By Удмурт Дунне Август 27, 2015 13:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Отчы вуыло Россилэн пӧртэм пумъёсысьтыз егит историкъёс, журналистъёс, литератураен вырисьёс, суредасьёс, архитекторъёс. Ачим мон журналистын ужасько бере, сюри егит гожъяськисьёс доры.

5 адями одӥг интые! «Таврида» сменае сюрыны туж ик капчи вылымтэ. Изьытэк потэм уйёс, проект гожтон но возьман. Макем шумпотӥ, куке мон гожтэт басьтӥ: 15 сюрс адями пӧлы мон но быръемын. Чырткем, творчестволэн зарезез!

Ӵукна. Чузъяське Россилэн гимнэз. Нылъёс-пиос лыньыр-ланьыр султо но мыно зарядкае. Вылӥын лобало чайкаос, шунды пиштэ, зарезьын уяло дельфинъёс. Но таӵе шулдыр куазь ӧз люкеты милемлы ужаны.

IQkoKwN79qE

М. Бегишева понна тужгес тунсыкоез вал И. Бродскийлэн эшеныз, писателен Е. Рейнэн пумиськон.

Быдэс нуналъёсын пуким лекциосын. Котькудзэ нуизы Москваысь тодмо адямиос, соос пӧлын — тодмо журналист Андрей Максимов, «Ясная Поляна» юртлэн кивалтӥсез, Лев Толстойлэн правнукез Владимир Толстой, туала писательёс Сергей Шаргунов но Захар Прилепин. Мон ноку ӧй малпасал, ми доры А. М. Горький нимо институтысь творчествоя кафедраысь профессор, Иосиф Бродский кылбурчилэн матысь эшез Евгений Рейн вуылоз шуыса. Иосиф Бродскийлэн улонэзъя но гожъяськонэзъя диплом гожтӥ бере, та пумиськон мыным тужгес тунсыкоез вал. Жаль, Бродский сярысь со кема ӧз вераськы. Тросгес учкиз милесьтым кылбуръёсмес, шекъёсмес вераз но аслэсьтыз гожъямъёссэ лыдӟиз. Пумиськонлэн пумаз Евгений Борисовичлы кузьмай Дэри ёросын потӥсь «Пригородные вести» газетлэсь номерзэ, кытын Иосиф Бродскийлы сӥзем материал поттэмын вал. Со шумпотӥз, районкаосын но солэн эшез сярысь гожъяло шуыса.

Котькуд лекциосын дано адямиос трос пӧртэм малпанъёсты шараяллязы. Валтӥсьсэ, мон малпамъя, вераз Москваысь М. В. Ломоносов нимо кун университетысь журналистикая факультетысь профессор Игорь Волгин:

— Кылбурчи но писатель понна туж кулэ курадӟыса улон, но гожъяськон — со шуд.

Лекциос вискын дырмы вал зарезьын пыласькыны, поръяны. 10 нунал ӝог ортчиз. Со куспын пумозяз вуттӥ проектме, кудӥныз форуме сюри но пӧртэм вожвылъяськонъёсы пыриськи. «Таврида» сярысь кылбуреным нырысетӥ инты басьтӥ — аслым ачим ик пайми. Озьы ик татын ортчылӥзы кылбур лыдӟонъёс. Соос пӧлысь одӥгаз вуылӥз «Ночные снайперы» группаысь крезьгурчи Диана Арбенина. Жаль, асьмелы гожъяськыны дыр трос ӧй вал.

Эшъёсы Разиля Махиянова но Дарья Бегишева пыриськизы архитекторъёслэн сменаязы. Форуме сюрон понна соос дасязы проект — «Завьял батырлэн юртэз — Дэри ёрослэн брендэз». Сменаын соос пӧртэм проектъёс бордын тыршизы. Нуназе но, уйин но.

Архитекторъёс зарезь дуре пуктӥзы на маятник — пиос лэсьтӥзы, нылъёс буязы. Тужгес но чебер со пиштэ уйин. Маяклэн вылӥяз тубыса, шунды пуксён шоры учкыны но льӧль малпанъёсы выйылыны луэ.

Мария Бегишева

Удмурт Дунне
By Удмурт Дунне Август 27, 2015 13:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<