Калык понна трос-а со — 600 сюрс?

Удмурт Дунне
By Удмурт Дунне 13 августа, 2015 16:31
OA2qxJnQ6ZM

Н. Партанен.

Кылем арняе «Сахар» арт-интыын коми кылэз эскерись фин Нико Партанен вераз урал кыл семьяез эскеронын шуг-секытъёс сярысь.

Кунгож сьӧрысь тросэз тодосчиос малпало, удмуртъёс, комиос ӧжыт ни, кылъёссы матысь дыре бырозы шуыса. Озьы тодосчиослэн та выжы калыкъёсты эскерыны бадӟым мылкыдзы ӧвӧл: аслыд кулэ соос доры лыктыны, вераськыны, бичаны материал, эшшо выжы калыклэсь кылзэ дышетоно на. Соин ик паймонэз ӧвӧл, Нико Партанен шалтыр гинэ коми кылын вераське шуыса.

Та калыкъёс пичиесь, озьыен, соосъя материалъёс но ӧжыт, лыдъяло, пе, кунгож сьӧрын. Озьы малпам Нико но, Коми шаере вуытозяз. Нош нюлэс шаере вуыса, со паймем материалъёсын узыр архивъёслы. Валам: 600 сюрс лыдъем калыкез бырись шуыны уг луы. Кылдӥз мукет ужпум: архивъёсысь гожъямъёсты поттыны шуг! Эшшо ке соос вужесь, одӥг экземплярен гинэ.

— Кыӵе умой луысал, шедьтэм материалъёсты котькудӥз адями одӥг вотэс баме, аспӧртэмлыко вотэс архиве куштыны быгатысалыз ке, — вера тодосчи. — Собере со материалъёсты котькин басьтыны, бордаз выль эскерон уж но ватсаны быгатысалыз.

Мукетыз ужпум: кагаз вылэ гожтэмъёсты кулэ цифровой карыны. Али Комиын кылдытэмын Интернет библиотека, отчы 1000 пала книгаос пыртэмын ни. Нош коми кылын огъя 4 сюрс 500 книга. Соосты но цифровой форматэ берыктоно.

Али Нико Партанен вуиз удмурт курсъёсы. Нико коми кылэз эскере бере, малы солы милям кылмы? Перм выжыысь кылъёсты уг луы, пе, нимаз эскерыны, та калыкъёс котьку ог-огенызы кусып возьылӥзы, кылъёссы но матын. Озьыен, коми кыллэсь уйпал диалектсэ табере со мукет палысен эскероз.

«УД»

Удмурт Дунне
By Удмурт Дунне 13 августа, 2015 16:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<