Ижысь Шор площадьын ортчоз «Чудья Promo» егитъёсын пумиськон ӝыт

Удмурт Дунне
By Удмурт Дунне 26 августа, 2015 13:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

2-тӥ куарусёнэ 19 часын Ижысь Шор площадьысь шатёрын ортчоз «Чудья Promo» творческой группаен пумиськон ӝыт. Радъя сое Dart газет «Лыдӟиськы, Ижкар!» фестиваль улсын.

чудья2

«Чудья Promo» творческой группаысь котькудӥз усточи паймымон. Кылсярысь, Богдан Анфиногенов, кылбурчи-авангардист. Али со «Айшет будущего» книгаеныз гудыртэм кадь пыриз удмурт литературае. Евгений Бикузин, суредаськись-постэтнофутурист. Ужъёсыз этнофутуризмлы матын ке но, ас вакытаз выриз туала суредаськонэн — ульча-артэн. Со сяна, Женя шудэ кубызэн, вашкала удмурт крезьгуро инструментэн, ачиз ик соосты лэсьтэ но. Марина Сергеева, блогер. Аслаз вотэс бамаз со удмурт егитъёслэсь улонзэс гожтэ — гурт но кар — зэмос история кылдытэ. Таня Тихонова но Лилия Леонтьева уг быгато улыны калык эктон-кырӟанъёстэк. «Чипчирган» ансамблен но «Эктон корка» студиен соос трос кунъёсы потазы ни — отысь калыкез удмурт кырӟан-эктон культураен тодматӥзы.

Ужрадэ вуэмъёс трос пӧртэм зарезьёсы выёзы. Женялэсь кубызэн шудэмзэ кылзозы, Лиляен но Таняен быдэстэм удмурт кырӟанъёслэн тулкымъёссы вылын веттаськозы. Пумиськон ӝытэ вуэмъёс Богдан Анфиногеновлэн кылбуръёсаз выёзы. Дышетскозы тодмо удмурт блогер луыны но трос мукетызлы. Витиськом, эшъёс!

Мария Векшина

 

Удмурт Дунне
By Удмурт Дунне 26 августа, 2015 13:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<