Ижын ортчоз мода возьматон

Удмурт Дунне
By Удмурт Дунне 12 августа, 2015 16:33

шкляева15-тӥ гудырикошконэ 19 часын Ижысь Генерал юртын ортчоз мода возьматон ӝыт. Подиум вылысь адӟыны луоз егит дизайнерлэсь Ксения Шкляевалэсь дӥськут бичетсэ.

Ксения Шкляева вордӥськиз Эгра ёросысь Лудошур гуртысь удмурт семьяын. Йылпумъяз Удмурт кун университетысь дизайнъя факультетэз. Нырысетӥ дӥськут коллекциосыз кылдӥзы, школаын дышетскыкуз ик. Нош 2013-тӥ арын со сюриз Россиысь тодмо дизайнерлэн Вячеслав Зайцевлэн «Лаборатория моды»  школаяз. Отын нылаш кылдытӥз аслэсьтыз валтӥсь коллекцизэ, со вуоно улонзэ радъяны юрттӥз. Та коллекция модая ӝытын возьматэмын луоз.

— Подиум вылысь мынэсьтым 2 коллекциме адӟыны луоз. Нырысетӥез — ӝыт нуллыны тупась «Весенние сумерки» дэремъёс. Соос кылдӥзы, писпуослэн ог-огзы борды ӟыгырскем вайёсы шоры учкыса,  — вера егит модельер Ксения Шкляева. — 2-тӥез  — авангард «Лист бумаги» бичет. Та коллекция кылдӥз чылкыт кагазлы луыса. Но со возьматонъёс понна гинэ вуремын, нуллыны авангард дӥсьёсме уз луы.

Али Ксения Шкляева ужа Вячеслав Зайцевлэн модая юртаз но выль дӥськут коллекциос малпа. Кылсярысь, матысь дыре ӧдъя кылдытыны удмуртъёслы сӥзем коллекция. Ксюшалэн вань ини аслаз брендэз.

Егит дизайнерлэсь дӥськут коллекциоссэ адӟыны луоз Ижысь Генерал юртын. Сое радъяны юрттэ «Сахар» арт-инты. Пыронэз дунтэк.

«УД»

Удмурт Дунне
By Удмурт Дунне 12 августа, 2015 16:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<