Ижын ортчиз Мускоын ужась удмурт дизайнерлэн адӟытонэз

Удмурт Дунне
By Удмурт Дунне Август 27, 2015 11:47
кш

Ксения кыкетӥ арзэ ужа Мускоысь Вячеслав Зайцевлэн мода юртаз.

Ижкарлэн музеяз ӝуатскизы тылъёс: учкисьёс азе потӥз егит кырӟась Ксения Ахметханова. Вылаз — тӧдьыё-вож кузь дэрем. Авторез — удмурт модельер Ксения Шкляева. Ӵапак солэсь адӟытонзэ усьтӥзы 15-тӥ гудырикошконэ удмурт кырӟанэн.

Ксения кыкетӥ арзэ ужа Мускоысь Вячеслав Зайцевлэн мода юртаз. Берло дыр куспын кык бадӟым коллекция дасяз, соосты Удмуртиысь калыклы тодматон вылысь ваиз. Нырысетӥез сузьетэз «С чистого листа» нимаське. Сое кылдытыкуз, нылаш учкиз бумага листъёс шоры: кызьы соос погмасько, кыӵеесьгес куасам дуръёссы, кызьы кабзэс возе… Тӧдьы кагаз вордӥз сэрего, «ваменэс сямо» костюмъёсты — басма юн мед сылоз шуыса, сое дублеринэн юромо ляконо луиз. Таӵе дӥсен бадӟым подиумъёс вылтӥ гинэ ветлыны дӥсьтод. Нош кутюрье Зайцев Ксениялэсь ужъёссэ ӟеч дунъяз.

Мукетыз адӟытон — «Весенние сумерки» бичет. Таяз радэ Шкляева ӝытлы тупась дэремъёс но брюкиен костюмъёс вуриз. Соос огазеямын бездытгес, пеймытгес буёлъёсын — чеберайёс ӵынысь-бусысь кылдӥллям, кожалод. Ачиз модельер верамъя, дэремъёсты малпаз, пиоспуос-вайёс шоры учкыса. Басма кесэгъёсты, писпу сул выллем мед адскозы шуыса, желатинэн куасьтыса, кокырскем, погмаськем тусозь вуттӥз.

Азьланяз Ксюша Шкляева удмурт коллекция вурон сярысь малпаське. Оскытӥз: удмурт нылъёс одно пӧрмозы «от кутюр» тузӥ дэремъёсын.

Ужрадысь туспуктэмъёс: http://vk.com/album59940941_220355092

Дарали Лели

Туспуктэм: Ксения Шкляева

Удмурт Дунне
By Удмурт Дунне Август 27, 2015 11:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<