«Ингур» капеллалэн шыкысаз — выль вормонъёс!

Удмурт Дунне
By Удмурт Дунне Август 31, 2015 13:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь искусствоосъя школа бордын ужась пиослэн «Ингур» хорзы алигес Санкт-Петербургысь вуиз. Отын ортчиз хорын кырӟанъя калыккуспо XIII «Поющий мир» но хор коллективъёс но кырӟась ансамбльёс куспын радъяськись Ю. Фалик нимо фестивальёс.

Та крезьгуро фестивальёсты хор искусствоез дунъясьёс котькуд ар чидатэк возьмало. Угось татын гинэ луэ кылыны быдэс дуннеысь духовной коллективъёслэсь кырӟамъёссэс, адӟыны кунгож сьӧрысь лыктэм но Россиысь йӧскалык ансамбльёсты. Та фестивальын соос ог-огзылэсь дышетско, нош доразы берытскыса выль тодон-валанъёссэс ужазы кутыны выро — хор искусствоез азинто.

IMG_2936

Удмуртиысь культура удысысь дано ужась хормейстер Татьяна Шамшуриналэн кивалтэмез улсын «Ингурысь» пиос вылӥ вормонъёсынызы ушъяськыны быгатэ.

Туэ фестивале пӧртэм кунъёсысь 3000 пала кырӟасьёс люкаськизы. Оглом, 12 кунъёсысь 44 коллектив. 34-ез соос пӧлысь пыриськизы ӵошатсконъёсы. Валаськоды, кыӵе кужмо коллективъёс куспын ортчиз вожвылъяськон. Ижысь «Ингур» капеллалы кырӟан искусствоын ӵошатскыны кылдӥз Великобританиысь, Италиысь, Израильысь, Китайысь но мукет кунъёсысь кужмо хоръёсын. Но Удмуртиысь культура удысысь дано ужась хормейстер Татьяна Шамшуриналэн кивалтэмез улсын «Ингурысь» пиос вылӥ вормонъёсынызы ушъяськыны быгатэ.

Румыниысь быдэс дуннелы тодмо «Cantus Domini» хорен ӵош Ижысь пиос «Однородные хоры» номинациын нырысетӥ интыез люкизы. Озьы ик «Ингур» «Духовная музыка» номинациын 2-тӥ инты басьтӥз. Татын соос ӵошатскизы Франциысь Ален Шаррон нимо хорен, Словакиысь «Apollo» но Мускоысь консерваториысь камерной хоръёсын.

— Таӵе кужмо коллективъёсын милемлы нырысьсэ вожвылъяськыны кылдӥз, — вера «Ингур» хорлэн кивалтӥсез, Россиын но Удмуртиын искусство удысын дано ужась Валерий Митрофанов. — Соин та вормонъёс коллективмы понна тужгес яркытъёсыз но дуноосыз луо.

Нош вормонъёссы «Ингур» капеллалэн ӧжыт ӧвӧл ни. 2009-тӥ арын соос та фестивальын ик «Духовная музыка» номинациын нырысетӥ инты басьтӥзы, «Мужское певческое братство» фестивальысь арысь аре выль вормонъёсын бертылӥзы.

Вожвылъяськон сяна, Санкт-Петербургын 6 нунал куспын 17 концертъёс ортчизы. «Ингур» но со ужрадъёсы мыло-кыдо пыриськиз. Вань люкаськемъёслэн тодазы кылиз фестивальлэн берпуметӥ нуналыз. Йылпумъян концертын вань хоръёс, сцена вылэ потыса, ӵошен быдэстӥзы «Поющий мир» фестивальлэсь гимнзэ.

Мария ВЕКШИНА

Удмурт Дунне
By Удмурт Дунне Август 31, 2015 13:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<