Финляндиын ортчиз этнофутуризмъя «МУУ-МАА» симпозиум

Удмурт Дунне
By Удмурт Дунне Август 27, 2015 13:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Этнофутуризмъя симпозиуме мон куинетӥзэ пыриськисько ни.

Таяз аре отчы вуон сюресэ кузь луиз: Ижысен — Казане, Казаньысен — Муское, Мускоысен — Пскове, Псковысен — Тсийстре нимо эстон гуртэ, Тсийстреысен — Таллинэ, Таллинысен — Хельсинкие, Хельсинкиысен — Тамперее, Тампереысен — Кеурууэ, Кеурууысен — Мультиа нимо фин гуртэ — самой отчы, кытын этнофутуризмъя 8-тӥез калыккуспо симпозиум ортчиз. Вуи мон отчы, 9 нуналлы бере кыльыса. Ужрадэ рос-прос пыриськыны ӧй вуы ке но, «йӧлвылзэ» октыны сюриз ик — тужгес но тунсыкоез шараяськиз симпозиумез ворсан нуналэ, 15-тӥ гудырикошконэ.

I_OvHz-N3Eg

Кылем аръёсын ӵошатоно ке, таяз симпозиумын йылпумъян вал мукетгес. Нырысь ик вераны кулэ, со Финляндиын ортчиз шуыса, нош отын мукет менталитет, интыезлэн но аслаз кужымез. Ворсан ужрад туж лачмыт, тыро-пыдо малпамын — уйпал калыкъёслы тупась мылкыдын тырмытэмын. Кыкетӥез, мар монэ паймытӥз: куд-ог художникъёслэсь ужъёссэс адӟытон усьтӥськон нуналэ ик басьтӥзы, Удмуртиын таӵезэ ӧй адӟылы на. Художникъёс та симпозиуме лап-лап, радызъя ужаны лыктӥзы. Ужъёссы, азьло кадь ик, туж устоесь (туспуктэмъёсты учкелэ).

 

NYy3DaLbj-g

VIkGGWUajHk

* * *
Дорам бертэме бере юазы, кыӵе, пе, ветлӥд, «этнофутуристка Ворончихина»? Та юан монэ малпаськонэ уськытӥз. Котькуд адямиез, со социумын улэ бере, кыӵе ке нимен пусйыны тыршо, кудӥз возьматэ солэсь кин луэмзэ. Одно ик тон кин ке но луыны кулэ. Со сяна, адямилэн сыӵе «кин луэмез» одӥг гинэ ӧвӧл. Тазьы малпаськыса, тодам вайи одӥг тунсыко «Океаны» фильмез. Кинолэн кутсконаз вал таӵе эпизод: ульчаетӥ мынӥсь адямиослэсь юаллязы: «Кин тон?» Котькудӥз пӧртэм сямен та юанлы валэктонъёс сётъяз, нош адями, кудӥз юалляськиз, вералляз: «Та тынад статусэд гинэ, нош кин тон?» Милям пӧртэм статусъёсмы луыны быгато, пӧртэм адямиос пӧртэм сямен милемыз адӟо, нимало, нош лулпушмы милям одӥг, со сётэм ярлыкъёслэсь уг воштӥськы. Соин ик котькызьы мед нималозы, валтӥсез — вырыны соин, мар тыныд сюлэмыдъя луэ.

4lpp5F5EdOY

Ксения ВОРОНЧИХИНА

Туспуктэмъёсыз Денис Корниловлэн но аслаз авторлэн

Удмурт Дунне
By Удмурт Дунне Август 27, 2015 13:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<