«Элькуноведение. Егитъёс». Кин вормоз?

Удмурт Дунне
By Удмурт Дунне 20 августа, 2015 12:34
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

22-тӥ гудырикошконэ 18 час 20 минутэ «Мынам Удмуртие» ТРК-ысь «Светӥ дорын куноын» передачаын ортчоз «Элькуновидение. Егитъёс» вожвылъяськонлэн финалэз.

«Элькуновидение. Егитъёс» вожвылъяськонлэн нырысетӥ этапез вал 4-тӥ пӧсьтолэзе Алнашын «Сайкыт инбам» фестивальын. Отчы пыриськизы 8 егит кырӟасьёс. 6-ез соос пӧлысь конкурслэн 2-тӥ этапаз потӥзы. Со Пичи Пурга ёросысь Алёна Зянкулова, Сарапул ёросысь Татьяна Окорокова, Якшур-Бӧдья ёросысь Артем Кайсин, Шаркан ёросысь Надежда Матвеева, Можга ёросысь Ульяна Николаева но Алнаш ёросысь Олеся Киршина.

сайкыт инбам

14 аресысен 18 аресозь кырӟасьёс понна ортчоз «Элькуновидение. Егитъёс». 18 ареслэсь бадӟымъёсызгес валтӥсь вожвылъяськонэ пыриськозы.

Вожвылъяськонлэн финалэз ортчоз «Мынам Удмуртие» ТРК-ысь «Светӥ дорын куноын» передачаын. Учкисьёс тужгес кельшымон кырӟась понна СМС пыр куараэоссэс сётъялозы. Вормоз соиз, кинлэн, жюрилэсь но учкисьёслэсь балъёссэс огазеяса, тужгес но трос баллъёсыз люкаьськоз. Кузьым — 10 сюрс манет но валтӥсь «Элькуновидение» конкурслэн концертаз пыриськон. Со ортчоз ни 17-тӥ коньывуонэ «Аксион» культурая юртын.

Егит кырӟасьёс куспын «Элькуноведение» вожвылъяськон туэ нырысьсэ радъяське. Кызьы кылдӥз та малпан?

— Кылем арын «Элькуновидение» конкурсэ одӥг ёрос нылпиез ыстыны мылкыд кариз, — вера конкурсэз радъясь Павел Поздеев. — Мон чутрак пумит луи, угось, пинал  соку ик вань кырӟасьёс пӧлысь висъяськысал. Та учыр бере ик малпай «Элькуновидение» конкурсэз егит кырӟасьёс пӧлын но ортчытыны.

Табере кырӟасьёслы «Элькуноведение» 2 пумо луиз. 14 аресысен 18 аресозь кырӟасьёс понна ортчоз «Элькуновидение. Егитъёс». 18 ареслэсь бадӟымъёсызгес  валтӥсь вожвылъяськонэ пыриськозы. Павел Поздеев верамъя, азьланяз покчиосызгес, 10-14 аресъмъёс, понна но таӵе ик вожвылъяськон луоз. Созэ ортчытыны малпамын туэ тол каникулъёс дыръя.

«УД»

Удмурт Дунне
By Удмурт Дунне 20 августа, 2015 12:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<