Эктӥсьёслы паймытоно туала удмурт эктонэн!

Удмурт Дунне
By Удмурт Дунне 20 августа, 2015 13:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туэ эктӥсьёс пӧлын но «Элькуновидение» вожвылъяськон ортчытэмын вал. Солэн финалэз луоз 22-тӥ гудырикошконэ «Мынам Удмуртие» ТРК-ысь «Светӥ дорын куноын» передачалэн 2-тӥ люкетаз. Кутсконэз 18 час 20 минутэ.

«Элькуновидение. Эктон»-лэн нырысетӥ этапез ортчиз 18-тӥ пӧсьтолэзе Шаркаын «Яркыт вакыт» шулдыръяськонын. Тол Бабайлэн сцена вылаз эктӥзы пӧртэм ёросъёсысь 10 коллективъёс но солистъёс. Эктон аспӧртэмлыко но одно ик удмурт кырӟанъя пуктэмын луыны кулэ вал.ъ

яркыт вакыт

Учкисез кулэ паймытыны умой крезьгурен но, тунсыко эктонэн но, дӥськутэн но. Жаляса верано, тае ӧз валалэ дунъясьёс но. Одӥг экспериментальной эктон но финалэ ӧз поты.

Шумпотоно: сцена вылын адӟыны луиз выль шӧмо удмурт эктонъёсты. Кылсярысь, Дэри ёросысь Изгуртысь кышноос удмуртсэ но шундыӝужан калыкъёслэсь эктонъёссэс герӟазы. Ижысь «Эктон корка» студие ветлӥсь нылъёс Таня Тихонова но Лилия Леонтьева тапыртӥзы Богдан Анфиногеновлэн «Дымбыр-Дамбыр» кырӟанэз улсын. Та нылъёсты висъяны кулэ дӥськут ласянь но: соос асьсэос вуризы туала манер удмурт дэремъёс нош чыртыязы уксётӥрлык понӥзы — озьыен, герӟазы туалазэ но вашкалазэ.

— Артистъёс кулэ сюлмаськыны, мар дӥсяса потозы сцена вылэ, — гожтэ дизайнер Полина Кубиста. — Та конкурсэ пыриськем эктӥсьёслэн костюмъёссы шоры учкыса, валасько: соосты мон арысь аре адӟылӥсько. Удмурт дӥськут дизайн 90-тӥ аръёсын дугдӥз но уг азинтӥськы ни кадь.

Тазьы ик вераны луоз огъя номеръёс сярысь но, тросэз эктӥсьёс номыр выльзэ ӧз малпалэ — огдышем сямен калык кырӟанъя тапыртӥзы но тӥни. Нош туала вакыт куре выль утчанъёс. Учкисез кулэ паймытыны умой крезьгурен но, тунсыко эктонэн но, дӥськутэн но. Жаляса верано, тае ӧз валалэ дунъясьёс но. Одӥг экспериментальной эктон но финалэ ӧз поты.

Озьыен, «Элькуновидение. Эктон»-лэн берпуметӥ этапаз потӥзы Ижысь  «Вертикаль» нылпи ансамбльысь эктӥсь Лиза Князева, Пичи Пургалась «Дети будущего» ансамбль, Уваысь «Ингрид» коллектив, Шаркан ёросысь Быгы гуртысь «Ерпечкаос», Яр ёросысь Марина Кондратева но Лиза Королёва.

Соос понна учкисьёс куаразэс сётыны быгатозы «Мынам Удмуртие» ТРК-ысь «Светӥ дорын куноын» передачалэн 2-тӥ люкетаз. Кузьым — 10 сюрс манет. Озьы ик вормисьёс валтӥсь «Элькуноведение» конкурслэн концертаз пыриськоз. Со ортчоз 17-тӥ коньывуонэ «Аксион» культурая юртын.

«УД»

Туспуктӥз Стас Иванов

Удмурт Дунне
By Удмурт Дунне 20 августа, 2015 13:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<