Быдэс ар «Дартэн»! Редакторъёслэн кылзы.

Удмурт Дунне
By Удмурт Дунне 13 августа, 2015 08:30

Шӧдтэк шорысь быдэс ар ортчиз «Дарт» газет поттон борды кутскеммы дырысен.

Со вакытэгес ик «Уралистика» сайт бордын тыршисьёс милемлы, «дартчиослы», шуг-секытъёс сярысь, вуоноез сярысь юанъёс сётъязы. Али, валэктонъёсмес учкыса, йылпумъянъёс лэсьтыны быгатӥськом.
Огез пуктэм ужпум тазьы чузъяськиз — «Дарт» дуннезэ паськытатыны кулэ. Та пункт вадьсын зӧк «+» пуктом — быдэстӥм кадь. Ар куспын феминизм но трансгендерность, прокрастинация но искусственный интеллект, астрономия но экология сярысь материалъёс поталлязы. Дунне тенденциос вылэ пыкиськыса, котькуд номерез нимаз темалы сӥзиськом.

Пуктэм ужпумъёс пӧлысь висъям потэ дизайн воштонэз но — ми тыршим тупатыны «Дартлэсь» макетсэ, сое туалагес но тузӥгес карыны, соин ӵош «Удмурт дуннелэсь» со палэнскемын шуыны уг луы. Йӧспӧртэм луыны юрттӥзы тунсыко суредъёс, комиксъёс.

дарт

Вылбаммы сярысь нимаз вераммы потэ. Алигес «Дартэз» «Vogue» яке асьме «Афиша» выллем журналъёсын ӵошатӥм — кин эшшо меда вылбамлы сокем бадӟым саклык висъя на? Одӥгез но обложкамы огшоры ӧз пӧрмы кадь. Номерлы юри лэсьтылӥм туспуктэмъёс, кыӵе ке инфографика яке коллаж, кудӥз быдэс газетлэсь пуштроссэ усьтэ.

Жаляса верано, валтӥсь шуг-секытмес вормыны ӧм на быгатэ — газет лыдӟисьёслэн лыдзы ичиёме. Ма бордын ужпум? Тросэз газет-журналъёс али таӵе югдурен пумиськизы. Дунъёс-а, оглом лыдӟиськемысь дугдон-а, вотэс-а татын янгыш? Милемлы ӵемгес потано гуртъёсы ужрадъёс ортчытъяны — туж трос ужано на. Озьы ик лыдӟисьёсын диалог уггес тырмы — шер гинэ вотэсын кин ке (ӵемысь блогеръёс) малпанзэ шарая яке тодмоосмы ни верало: «Таяз «Дартысь» «Топ-5»-тэс адӟыса, мылкыд ик ӝутскиз!» яке «Нош малы статьяосты сыӵе кузесь? Пичи иворъёс уг тырмо-а?»

Соин ик вазиськиськом лыдӟисьёсмылы: шараялэ малпанъёстэс, вералэ, мае адӟемды потэ газет бамъёс вылын. Озьы ик возьмаськом выль гожъяськисьёсты. Утчалэ валэктонъёс лэчыт юанъёслы, сэрттылэ-пертчылэ висьытӥсь ужпумъёсты, маделэ, маин шокало туала удмурт егитъёс но шаянтэлэ милемын ӵош.

Мария Векшина,
Вера Штыкова,
Анастасия Шумилова

Удмурт Дунне
By Удмурт Дунне 13 августа, 2015 08:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<