Туннэ секыт югдур удмурт кылын учебникъёсъя

Удмурт Дунне
By Удмурт Дунне 18 августа, 2015 09:27

6-29-1Покчи классъёсын дышетскисьёс выль федерал куронъёсты ас вылазы мертазы ни. Табере вань дышетскисьёс выль стандартъёсын тодматсконо луозы.

Визьнодасьёс темаез кушаса уз сётэ ни — нылпиос асьсэос утчаськыны, малпаськыны быгатыны кулэ. Со сяна, сюлмаськоно луоз урокъёс бере нылпиослэсь ваньмон дырзэс рос-прос радъян, ватсаса пӧртэм кружокъёс но секциос усьтон сярысь.

— Дышетӥсьёслы капчи уз йӧты, вылды. Но вормомы шуыса, осконъёс вань, — шуиз дышетонъя но наукая министр А. Мирошниченко. — Выль амалъя усто ужась школаосын усьтэм урокъёс радъяломы. Дышетонэз азинтонъя институтлы (азьвыл — Дышетӥсьёслэсь тодон-валанзэс будэтонъя институт) выль кивалтӥсь юнматэмын. Со Удмурт кун университетысь журналистикая факультетлэн азьвыл деканэз Владимир Байметов. Со азе ужпум пуктэмын: школаос выль куронъёсъя ужаны мед быгатозы шуыса, выль пособиос дасяно.

Пиналъёслы учебникъёс сётонэз кун ас вылаз басьтӥз. Туэ со понна Удмуртилэн бюджетысьтыз висъямын 64 миллион манет. Со тырмиз 145 сюрс экземпляр учебниклы. Но та 84 процентэзлы сяна нылпиослы уз тырмы. Алексей Мирошниченко верамъя, югдурысь потыны луонлыкъёс утчало.

Зэм, туала вакытэ котькуд учебниклэн электронной вариантэз вань. Сое Интернетысь кыскыны но планшетэ я кытчы гожтыны луэ. Ижысь огаз школаын тазьы ужан амалэз эскерыны медо. Но гуртъёсын Интернет котькытын ӧвӧл на. Соин ик А. Мирошниченко понна книгалэсь номыр умоез ӧвӧл.

Туннэ секыт югдур удмурт кылын учебникъёсъя но. Федерал перечене соос пыремын ӧвӧл. Министр верамъя, выль арозь покчи классъёсын дышетскисьёслы учебникъёслы ке но лицензия басьтыны тыршозы.

Елена Сараматова

Удмурт Дунне
By Удмурт Дунне 18 августа, 2015 09:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<