«Удмуртиысь милиция Быдӟым ож вакытэ» книга потӥз.

Удмурт Дунне
By Удмурт Дунне 20 июля, 2015 09:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

нквдИжын потӥз «Удмуртиысь милиция Быдӟым ож вакытэ» книга. Сое дасян бордын тыршизы тодосчи Алексей Коробейников но полковник Геннадий Кочкарёв.

Книга зӧк выло, кие кутымон пӧрмем. Котькуд бамын туспуктэмен сётэмын Быдӟым ож вакытэ югдурез утён удысын — НКВД-ын — тыршемъёс, соос радысь ож лудын быремъёс. Та адямиос сярысь тодыны авторъёслы капчи ик ӧй вал, угось архивъёсын соос сярысь ивор кун тайна шуэмын яке воксё но ышемын. Юрттӥзы шаерысьтымы Югдурез утёнъя министерстволэн ёрос ёзъёсыз: полицейскойёс дэмен басьтӥськизы ивор утчаны. Книгаен тодматскон ӝытэз нуиз югдурез утёнъя министр Александр Первухин. Тунсыко: полицейскойёс книгаысь шедьтӥзы ӵыжы-выжыоссэс.

Тодосчи Алексей Коробейников пусъемъя, Совето Союз куашкам бере вӧлмиз малпан: НКВД-ын ужасьёс войнае ӧз ветлэ, ӵыжы-выжыоссылы но кулэ луись документъёс пӧраллязы ожлэсь мозмытон понна. Тазьы вераны быгатоз югдурез тодӥсьтэм мурт гинэ, шуэ со. Кылсярысь, Можга ёросысь НКВД-ысь фронтэ кошкиз 20 адями, Воткаысь но Глазысь — быдэн 22 мурт, Ува ёросысь — 13, Сарапулысь — 41, уйпал ёросъёсысь — быдэн 10 адямиен, Ижысь — 178. Озьы ваньмыз-ӧвӧлэз войнае пыриськиз НКВД-ысь 518 адями (туннэ нуналлы шараям документъёсъя), со пӧлысь 18 процентэз гинэ улэпкын берытскиз. Ож лудын сӧсырмыны шедьыса, тазалыксэс ыштыса но, соос выльысь басьтӥськизы югдурез утён удыс борды. Соос пӧлысь уноез пусъемын вылӥ наградаосын.

Та книга тунсыко потоз историез яратӥсьёслы, кин ке та книгаысь шедьтоз выжыысьтыз адямизэ. Архивысь документъёс сяна, книгаын сётэмын улонысь учыръёс, тодэ ваёнъёс.

Елена Никитина

Удмурт Дунне
By Удмурт Дунне 20 июля, 2015 09:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<