Удмурт космос. Фин профессор Паулиина Хулкко удмуртъёсты валаны тырше.

Удмурт Дунне
By Удмурт Дунне Июль 2, 2015 13:27
перформанс

Та возьматонын ми асьмелэсь дуннемес, улон шоры учкеммес пӧртэм пумо адӟытӥмы: кылбур, кырӟан, эктон, малпанъёс, суредъёс, крезьгур пыр.

Кылем арняе «Галерея» центрын ми фин профессорен возьматӥмы удмуртъёс сярысь перформанс.

Ми, удмурт кылосбуръя факультетысь студентъёс Елена Орлова, Алина Герасимова но Максим Королёв, Финляндиысь Тампере университетысь профессорлэн Паулиина Хулкколэн кивалтэмез улсын дасямы пичияк возьматон. Озьы удмурт егитъёслэсь асваланзэс крезьгур но кылбуръёс пыр возьматыны тыршим.

Паулииналэн проектэз герӟаськемын космологиен, адямиез котыртӥсь арбериосын. Котькуд адями дунне шоры пӧртэм сямен учке, ас сяменыз сое шӧдэ. Та возьматонын ми асьмелэсь дуннемес, улон шоры учкеммес пӧртэм пумо адӟытӥмы: кылбур, кырӟан, эктон, малпанъёс, суредъёс, крезьгур пыр. Лэсьтэм ужмы милемлы туж аспӧртэмлыко потӥз, малы ке шуоно со выль шӧмо вал. Та выллем ужъёсын ми ӧм выре на. Шӧдыны луиз, макем пӧртэм луо удмурт но фин театръёс. Шараяськиз ӵыжы-выжы луись калыкъёслэн пӧртэм дунне валанзы. Фин режиссёрен ужакумы, ми асьме «космосамы», «пространствоямы» интыяським, учкисьёсты но отчы пырыны, дуннемес валаны ӧтим.

Учкисьёс милемыз шуныт пумитазы, тау карон кылъёссэс веразы. Удмуртэз но, њучез но валазы, мае ми вераны вырим. Ми ваньзэ зэмос улонын кадь возьматыны турттӥм, кылсярысь, кызьы удмурт егитъёс куспазы верасько.

Туж бадӟым юрттӥськись та ужын вал Симо Кантеле, милям Финляндиысь дышетӥсьмы. Со быгатыса, рос-прос валэктӥз Паулииналэсь малпанъёссэ, визь-кенешъёссэ. Малпаськом, со дэмланъёсты азьланяз но улонамы кутыны быгатом.

Паулиина — шунды кадь: капчи мылкыдо, котьку пальпотӥсь, выль уж борды капчиен кутскись, мукетъёссэ но бурдъяны быгатӥсь адями.

Алёна Орлова

Туспуктӥз Алексей Шкляев

Удмурт Дунне
By Удмурт Дунне Июль 2, 2015 13:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<