Топ-250 списокын хоккея «Ижсталь» команда 130-тӥез

Удмурт Дунне
By Удмурт Дунне 6 июля, 2015 13:49

рейтингИжысь хоккея «Ижсталь» клуб Европаысь тужгес устоосыз хоккея командаос  пӧлысь 130-тӥ луиз. Та списокез лэсьтӥз Passionhockey.com портал.

«Ижсталь» команда  туэ ортчем ВХЛ шудонъёсын 2-тӥ инты басьтӥз. Соин сэрен 250 тужгес пусйымон командаос пӧлын соос 130-тӥ интыозь ӝутскизы. Кылем арлэсь со 79 интылы вылӥынгес. Но жаляса верано, командалэн тренерез Андрей Разин «Автомобилист» командаен кивалтыны Екатеринбурге кошкиз.  Возиськоз на-а табере  «Ижсталь» умой интыын, адӟом вуоно арын.

Нырысетӥ  интыын сыло Мускоысь ЦСКА, Санкт-Петербургысь СКА но Швециысь «Шеллефтео» командаос. Нефтекамскысь «Торос», кудӥныз асьмелэнъёс шудӥзы туэ финалын, 133-тӥ луизы.

«УД»

Удмурт Дунне
By Удмурт Дунне 6 июля, 2015 13:49