Иж сюрес ӟечлыкъя Россиысь 10 устоосыз городъёс пӧлы сюрыны кулэ.

Удмурт Дунне
By Удмурт Дунне 16 июля, 2015 12:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
OLYMPUS DIGITAL CAMERA

Матысь 5 ар ӵоже чакламын Ижысь вань азбаръёсты но асфальтэн шобыртыны, машина дугдытон интыос лэсьтыны.

Матысь 5 ар ӵоже сюресъёслэн ӟечлыксыя Иж Россиысь 10 устоосыз городъёс пӧлы пырыны кулэ. Таӵе ужпум пуктӥз Удмуртилэн Тӧроез Александр Соловьёв. Палэнэ уз кыле ёросъёс но.

Берло дыре Ижысь сюресъёслы бадӟым саклык висъяське. 2013-тӥ арын 25 иськем, 2014-тӥ арын 37,5 иськем сюресъёс тупатъямын. Туэ чакламын 60 иськемез выльдыны, 70 иськем сюресъёсты, 170 азбаръёсты тупатыны.

Матысь 5 ар ӵоже чакламын Ижысь вань азбаръёсты но асфальтэн шобыртыны, машина дугдытон интыос лэсьтыны. Со сяна, азбаръёсты вожектытон сярысь но сюлмаськоно. Коммунаръёслэн ульчаысьтызы 165-тӥ юрт котырысь азбарысь сюрес воксё номырлы ярантэм, нош тупатоноосыз пӧлы сюремын ӧвӧл. 

Зоръёсын валче али сюрес лэсьтон ужъёс гуньдэмын. Дэрие асфальт вӧлдонлэн толыкез ӧвӧл уго. Зор вулы чаклам ливнёкаос но урод ужало: вань ву, люкъёсы кошкем интые, урам кузя бызе. Ву кошконэз умой лэсьтон понна 70 миллион манет кулэ. Зэм, куддыръя сюрес лэсьтӥсьёс огкылысь уг ужало коммунальной услугаос сётӥсьёсын. Кылсярысь, Молодёжной ульчаысь азбарын «Ижводоканалын» ужасьёс гумыосты кышъяса ӧз вуттэ, сюрес лэсьтӥсьёс асфальт понӥзы ни. Нош выльысь кесяно луиз ке? Кык полэс ужаны уг яра.

Транспортъя но сюрес хозяйствоя министр Виктор Вахромеев верамъя, матысь дыре чакламын Славянской шоссе, И. Закиров нимо ульчаосты, Широкий но Интернациональной пролкаосты вӧл-вӧлгес карыны. Со сяна, Октярьблы 10 ар ульчаез пырак Металлург городокозь вуттонъя проект лэсьтэмын луоз. Та юрттоз Якшур-Бӧдья трактын кылдэм пробкаосты но кулэстыны. Новоажимова урамозь К. Маркс ульча пыр кузёмытыны чакламын Чугуевский урамез но.

Но туннэ Александр Соловьёвез золгес сюлмаськытэ, адямиос транспортэз зор улыны возьмано луо шуыса. Куашкатэм дугдылонниос нтые кытын но отын пуктэмын ӧвӧл йӧнала вылез. Удмуртской ульчаысь «Северное кладбище» остановкаын липет вань ке но, со сюбег. Нош татчы бакчаосазы мынӥсь адямиос маке кузьда черодэ люкасько. Зорлэсь пегӟыса, куд-огез шайысь писпуос улын но ватӥськоно луэ. Таӵе югдур луыны кулэ ӧвӧл, шуэ Тӧро.

Елена Сараматова

Туспуктӥз Александр Горбунов

Удмурт Дунне
By Удмурт Дунне 16 июля, 2015 12:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<