Иж дунтэм квартираосъя 5 каръёс пӧлы пыриз

Удмурт Дунне
By Удмурт Дунне Июль 9, 2015 13:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
094280,строительство,стройка,новостройка

Шаермылэн шоркараз выль пуктӥськись юртъёсын квартираос 7,4 процентлы дунтэмгес луизы.

Россиысь мукет каръёсын ӵошатыса, Ижын улон инты дунтэмгес, ивортэ Mirkvartir.ru портал.

Туэ паларлы йылпумъянъёс лэсьтэм бере тодмо луиз: шаермылэн шоркараз выль пуктӥськись юртъёсын квартираос 7,4 процентлы дунтэмгес луизы. Одӥг квадрат метрез 40 сюрс 547 манет сылэ, вуж юртъёсын квартиралэн квадрат метрез ӧжытлы дуногес — 42 сюрс 615 манет. Кылем арен ӵошатыса, таиз дун 9 процентлы усемын.

— Улон инты дунтэм сыӵе городъёсын, кытын калык начар улэ, уждун ӧжыт басьтэ, со каръёсын йыружъёслэн лыдзы но бадӟым. Та паларын квартираослэн дунзы тужгес но усиз Ижын (9 процентлы), Оренбургын (2,7 процентлы) и Пермьын (2,1 процентлы), — верало эскерисьёс.

Тужгес дунтэм квартираос, Ижын сяна, Брянскын (34 292 манет/кв. м), Ставропольын (35 313 манет/кв. м), Саратовын (36 129 манет/кв. м), Курскын (40 371 манет/кв. м) но Рязаньын (40 538 манет/кв. м). Квартира понна кисыысьтызы тросгес уксё поттыны кулэ луоз Мускоын, Санкт-Петербургын но Сочиын улӥсьёслы.

«УД»

Удмурт Дунне
By Удмурт Дунне Июль 9, 2015 13:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<