«Филармония» урамын концерт адӟытъялоз

Удмурт Дунне
By Удмурт Дунне Июль 8, 2015 08:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
фил

Филармония вӧзы (Широкий пролка палан) пуктэмын бадӟым шатёр.

Тросэз тодо но туж умоен пусъё Удмурт кун филармонилэсь «Крезьгур артэ» ӧтён улсын ужамзэ. Нош толон филармония ялӥз выль проектсэ. «Крезьгур гужем» чотын Ижын улӥсьёс концертъёсты учкыны быгатозы урамын.

Кылем арын Россиысь 30-лэсь уно городъёсын ужаны кутскизы виртуальной концерт залъёс. Сыӵе зал усьтӥз, шуыны луоз, Удмурт кун филармония но. Миым шаерысьтымы крезьгурез яратӥсьёс чик дунтэк учкыны быгатӥзы Москваысь кун филармониын ортчылӥсь концертъёсты. Классикаен тунсыкъяськисьёслэсь лыдзэс ӝутон, чебер крезьгурен уногес адямиосты тодматон вылысь Удмурт филармония таӵе концертъёсты туэ ураме поттоно кариськиз.

Филармониысь пресс-службалэн ивортэмезъя, гужем адямилэн залын пукемез туж ик уг поты. Соин валче филармония вӧзы (Широкий пролка палан) пуктэмын бадӟым шатёр. Толон отчы экран интыямын ни вал. Нош ӝытазе вань мылкыд карисьёс онлайн амалэн учкыны быгатӥзы Москваысь филармониысь концертэз. Та вакытэ Россилэн шоркараз йылпумъяське П. Чайковский нимо 15-тӥез калыккуспо конкурс. Ӵапак солэсь нырысетӥ гала-концертсэ учкизы Ижын улӥсьёс. Туннэ ӝыт калык люкаськоз учкыны та конкурслэсь кыкетӥ гала-концертсэ.

Ваньзэ-ӧвӧлзэ пӧсьтолэзь куспын удмурт филармония дас пӧртэм концерт возьматыны малпа.

фидпрогнрамма

Галина Семёнова

Удмурт Дунне
By Удмурт Дунне Июль 8, 2015 08:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<