Этно пытьыос. Марлы пиналъёс дышизы ШЭП-ын?

Удмурт Дунне
By Удмурт Дунне Июль 2, 2015 13:33
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

26-тӥ — 30-тӥ инвожое Ижысь Усточиослэн элькун школа-интернатазы ортчиз ШЭП проектлэн гужем сессиез. Гуртысь но городысь пиналъёс эскеризы туала улонысь этно шӧмез, кар культураысь солэсь пытьыоссэ утчазы.

ШЭП — Школа Этнокультурной Политики — кылдӥз удмурт кылъя дышетӥсьлэн Ангелина Решетниковалэн кичӧлтэмезъя. Туэ гужем школае пырисько 30 пала пиналъёс, соос вуэмын Ижысь 56-тӥ гимназиысь, Пичи Пурга гимназиысь, Пурга ёросысь Гожня но Шор Кечол, Можга ёросысь Березняк школаосысь. Ижкар администрация но Нациосын ужан политикая министерство пыр ќтёнъёс келямын вал быдэс республикае.

шэп

Проектлэн кулэлыкез гуртысь пиналъёсын ужан бордын: кызьы соос городысь калык сям-йылолъёслэсь бервылъёссэс адӟо, азинске-а удмуртлык урбан дуннеын?

Проектлэн кулэлыкез гуртысь пиналъёсын ужан бордын: кызьы соос городысь калык сям-йылолъёслэсь бервылъёссэс адӟо, азинске-а удмуртлык урбан дуннеын? Ижысь Гуманитарияя лицейысь дышетӥсь Татьяна Митрошина «Мынам городэлэн этно тусыз» шудон ортчытӥз, солэн нодъямезъя пиналъёс мутус (карта) суредазы: Ижысь удмурт интыосты пусйылћзы. Хельсинки университетысь доктор Светлана Едыгарова-Мантель этнической идентичность сярысь вераськиз. Шутэтскон куспын пиналъёс пыриськизы фин-угор темалы сӥзем юан-веранэ. Огез юан тазьы чузъяськиз: мар огазея Ашальчи Окиез, Кузебай Гердэз но Степан Эрьзяез? Командаос огыр-бугыр луизы: ну кенешо-эчешо ук… Шонер валэктон огшоры вылэм: ваньзы таос кушем ним кутӥллям.

56-тӥ гимназиысь ды-шетӥсьёс Татьяна Юмина но Анастасия Григорьева пиналъёслы тунсыко программа малпазы. Ижысь Горький урам кузя поръян, удмуртсэ утчан куспазы соос Брангурт фестивале сюризы, шулдыр концертын эктӥзы. Мукетъят эктонъёсъя нимысьтыз мастер-класс радъяз режиссёр Дмитрий Корепанов. Тунсыко адямиосын пумиськон чотын нылпиос тодматскизы Удмурт театрысь артистъёсын Марина Самсоноваен, Вадим Дмитриевен но Сергей Наговицынэн, учкизы «Пузкар» киноез но вераськизы Дарали Лели сценаристэныз. Киноысь но пиналъёс кар улонлэсь удмурт тодметъёссэ синйылтӥзы. Озьыен, город соослы кӧня ке матынгес луиз, нош городэз удмуртомытон — сокем ик ӝутонтэм уж ӧвӧл.

Алёна Петрова

Туспуктӥз Руслан Каюмов

Удмурт Дунне
By Удмурт Дунне Июль 2, 2015 13:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<