Dart arama концертын егит кизилиос пиштӥзы

Удмурт Дунне
By Удмурт Дунне 2 июля, 2015 14:44

Ижкарын Гербер дыръя Dartлэн арамаяз трос егитъёс люкаськизы. Татын соослы концерт ортчиз.

Кырӟанъёс, эктонъёс сяна, Ижысь Кызьпу арамаын чузъяськизы кылбуръёс но. Усьтэмын вал эрико микрофон, кинлэн потэ, со ик лыдӟиз аслэсьтыз чуръёссэ. Та сярысь вотэсын ялэммы бере милемлы Алнаш ёросысь Байтэрек гуртысь етӥз кылбурчи Полина Куликова гожтӥз. Ассэ со Пелагея Куликовская нима. Яра-а, пе, мыным но кылбуръёсме лыдӟыны? Конечно!

пелагея

Алнаш ёросысь Байтэрек гуртысь егит кылбурчи Полина Куликова.

— Татын сомында удмурт кизилиос вал, учкисьёс но туж мыло-кыдо чабизы, — ужрадэ ветлэмез бере паймемзэ вераз Пелагея. — Нырысьсэ адӟи Богдан Анфиногеновлэсь чынзэ кырӟамзэ но эктэмзэ, туж пайми, сыӵе классно. Нош эшшо мыным туж кельшиз, ваньзы удмурт дэремъёсын вал шуыса, асме кыӵе ке семьяын кадь шӧдыны кутски.

Зэм но, Dart arama концертын трос тодмо артистъёс вал. 2013-тӥ арын «Выль куара» проектын вормем Алина Егорова, «Шунды» огазеяськонлэн «Куарагураз» пыриськем Мария Бочкарёва, озьы ик Мурӝол Undeground, «Эктон корка» студиысь Таня Тихонова но Лилия Леонтьева, кылбурчи Лиза Шихова. Концертлы ненег мылкыд пыӵатӥзы нуисьёс — Dartлэн авторез Анастасия Тутаева но Кузебай Герд нимо гимназиын дышетскись Вадим Крестьянинов. Шумпотымон, эрико микрофон но тэк ӧз улы шуыса. Пусйыны кулэ, сцена вылэ пичи нылаш но потаз, возьдаськонзэ вормыса, кылбур лыдӟиз. Кагазысь учкытэк! Та концертлы чебер точка пуктӥз L.I.A.R. группа. Ӝыны час куспын соос удмурт, ӟуч но англи кырӟанъёсты быдэстӥзы.

Куазь пилемо ке но вал, учкисьёслы со ӧз люкеты, бадӟым кызьпуос улэ зорлэсь ватскыса, концертэз пумозяз учкизы. Куд-огез эктыны кылиз на.

Dart

Удмурт Дунне
By Удмурт Дунне 2 июля, 2015 14:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<