Башкортостанысь Калтасы ёросысь Бадӟым Качак гуртын ортчиз «Чакара» фестиваль

Удмурт Дунне
By Удмурт Дунне Июль 17, 2015 08:53
QhgV5EL0948

«Чакара» фестивальын Башкириысь удмуртъёс сям-йылолъёсты возьмато.

Июнь толэзь пумын Башкортостанысь Калтасы ёросысь Бадӟым Качак гуртын ортчиз «Чакара» фестиваль.

Шаерысьтымы Камсьӧр удмуртъёслэн огазеяськонэнызы кивалтӥсь Флюра Чибышева ивортэмъя, вашкала крезьгуръёсты быдэстонъя «Чакара» фестиваль туэ 6-тӥзэ ортчиз. Нырысьсэ со Башкортостанын радъяськиз вал, нош отӥяз Ижын ортчылӥз. Таяз учыре ужрад берытскиз Башкортостанэ. Отчы люкаськизы 13 улосысь 35 удмурт коллективъёс. Фестивале вуылӥзы на улосъёсысь удмуртъёслэн азьветлӥсьёссы. Чакара гурезе тубыса, калык дэмен вӧсяськиз.

Вӧсяськемзэс Инмар кылэм, лэся, быдэс нунал ӵоже шулдыр нунал возиськиз. Бадӟым сцена вылын чузъяськизы удмурт крезьгуръёс. Концерт, нуназе бере 14 часысен кутскыса, 21 часозь кыстӥськиз. Бадӟым сцена вылын вашкала кырӟанъёс чузъяськизы. Возьматэмын кен сётон, кен куран, нуны сюан, корка пырон но мукет сям-йылолъёс. Кырӟан-веранэ 640 адями пыриськиз.

Удмуртиысь отчы вуылӥзы Пичи Пурга ёросысь Улын Юри гуртысь «Зангари», Дэри ёросысь Подшивал гуртысь «Марӟан», Ижысь «Ӟаныкай» коллективъёс. Бадӟым ужрадлы йылпумъян лэсьтӥзы гуртъёсысь ас кожазы кырӟаны яратӥсьёс. Таосыз уйин 2 часозь шулдыръяськизы. Фестивале люкаськемъёс огкылэ вуизы: гуртысь усточиослэсь кырӟамзэс калыке паськытгес поттоно.

Валентина Емельянова

Туспуктэмез Эшъяськон юртлэн

Удмурт Дунне
By Удмурт Дунне Июль 17, 2015 08:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<