А. Шкляевлэн «Абдрам Абдрамов но мукетъёсыз» книгаез потӥз

Удмурт Дунне
By Удмурт Дунне 25 июля, 2015 12:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

abdram.indd«Удмуртия» издательствоын потӥз Александр Шкляевлэн «Абдрам Абдрамов но мукетъёсыз» книгаез.

Солэн вылбамаз суредамын тыбыр сьӧраз песьтэрен но йыраз гын калыпен (шляпаен) студент, со компьютер клавишаос борды йӧтскылэ. Озьыен, книга студентлэн улон-дышетсконысьтыз серемес, маскара но тумошо югдуръёслы сӥземын.

Та книгалэн авторез — дышетӥсь, литературая тодосчи но журналист Александр Шкляев — куке но Удмурт кун университетысь студентъёслы бордгазетэз шулдыртон пумысен вазиськиз вал: «Шедьтэ  туала маскарчиез, но со Лӧпшо Педунь кадь пересь, Пересь Мадей кадь зульым медаз луы». Кӧня ке нунал ортчыса, студентъёс ивортӥзы: асьме пӧлысь ик шедьтӥм, пе, сыӵе адямиез, егит маскарчилэн нимыз Абдрам Абдрамов. Та валтӥсь персонаж йӧспӧртэм учыръёсы шедьылэ но, котырысь калыкез паймытыса-абдратыса, ассэ котьку но шонере поттыны быгатэ, соин ик со студентъёс пќлын туж тодмо но котьку егит улэ.

Кызьы тодмо уз луы Абдрамов, куке со, шуом, удмурт диалектэз валаны Даниил Яшин тодосчилэсь дышем, туж тодмо профессорлы визьмо визь-кенеш сётэм, нош вашкала грек философлэсь Платонлэсь ӵыжы-выжызэ ас гуртысьтыз шедьтэм, ма, Абдрамовлэн ӵыжы-выжыез гинэ но министрозь вуэм ук! Со сяна… Дугдэ ай, та паймымон но йӧспӧртэм адямиен лыдӟись ачиз мед тодматскоз, малы ай асьмеос солэсь ческыт луонлыксэ таланы кулэ?

Озьы ке но пичильтык будэто на. «Абдрам Абдрамов но мукетъёсыз» книгалэн бадӟым люкетэз вера удмурт писательёслэн но тодосчиослэн улон-вылонысьтызы озьы ик серемес, тумошо но тунсыко учыръёс сярысь. Таос но уга ас вакытазы студентлэсь улон-дышетсконзэ шӧмъязы но пӧртэм маскара учыръёсы шедьылӥзы. Шуом, Аркадий Клабуков, Степан Широбоков, Николай Байтеряков, Гай Сабитов, Кирилл Ломагин, Геннадий Красильников, Трофим Архипов, ачиз Александр Шкляев но трос мукетъёсыз.

Сергей Матвеев

 

Удмурт Дунне
By Удмурт Дунне 25 июля, 2015 12:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<