Маин Удмуртиысь делегация бертӥз Китайысь но Белоруссиысь

Удмурт Дунне
By Удмурт Дунне Июнь 3, 2015 08:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
NIK_5921_00001 фото Карипов Э

А. Соловьёв пресс-конференция ортчытӥз.

А. Соловьёвлэн кивалтэмез улсын Удмуртиысь делегация вуылӥз Китае но Белоруссие. Журналистъёс тунсыкъяськизы: маин паймытӥзы китайёс, шаермылы кыӵе пайда ваёз Белоруссиен кусып возён но кыӵе амалъёс юрттозы Удмуртилэсь экономиказэ азинтыны?

— Китайысь Хубэй провинцие вуылӥмы. Улӥсез отын 61 миллион пала, нош Ухань шоркаразы — 10 миллион котыр. Араз пукто 10 миллион квадрат метр мында улон юртъёс. Та лыдпус монэ воксё абдратӥз! Янцзы шурзы вамен — со Кам шурмылэсь но, оло, паськытгес — пуктэмын 6 выж, ву ултӥ лэсьтэмын 4 тоннель. Мар шуод: соос сьӧры уйиськыны ум пӧрмытэ. Но малы ужан амалъёсын тодматсконтэм?

Хубэй провинциен табере кусып возёмы пӧртэм удысъёсын: мувӧй кыскон вышкаосты лэсьтон, сюрес лэсьтонъя технологиос. Озьы ик огкыл тупатӥмы троллейбусъёсты поттон-басьтон ласянь но. Белоруссиын кенешимы эмъюм поттон сярысь: умой луысал та производствоез шаерамы радъяны.

Таӵе кусыпъёс шаерамы инвестициосты кыскыны юртто. Кылсярысь, ӝоген пыӵаны кутскоз эшшо 6 проект. Кылем арын Удмуртие кыскемын ке вал 80 миллиард пала инвестициос, туэ та лыдпус 10 миллиардлы ятыргес луоз. Со сяна, Удмуртиын азинтӥське машина поттонъя кластерез радъян. Бадӟым уж нуиське экономикая эрико зонаосты усьтонъя. Отчы пыриськись ужбергатӥсьёслы вытъёс ласянь капчиятонъёс чакламын. Вань амалъёсты кутӥськомы экономикаез азинтон понна, — шуиз Александр Васильевич.

Елена Никитина

Туспуктӥз Эдуард Карипов

Удмурт Дунне
By Удмурт Дунне Июнь 3, 2015 08:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<