Станциез «пуштытэм» понна — 3 арлы пытсэт сьӧры

Удмурт Дунне
By Удмурт Дунне 9 июня, 2015 13:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
бомба

Кез ёросысь Чепца станция.

Кез ёросысь 35 аресъем воргорон Чепца чугун сюрес станциез «заминировать» каремез понна, 3 арлы пытсэт сьӧры шедьыны быгатоз.

Югдурез утёнъя министрество ивортэмъя, 30-тӥ куартолэзе юэм воргорон полицие жингыртэм но ивортэм, Чепца станциын бомба понэмын шуыса.

— Полициысь ужасьёс ӝегатскытэк отчы потӥзы, — верало министерствоын. — Нокыӵе пуштыны быгатӥсь арбери шедьтэмын ӧй вал.

Воргоронэз ӝоген кутӥзы. Со вылэ ӝутэмын уголовной уж. Следовательёслэн верамзыя, пиосмурт, полицие жингыртыкуз, юэмын вал.

Павел Вахрушев

Туспуктэм: day.org.ru

Удмурт Дунне
By Удмурт Дунне 9 июня, 2015 13:18