Мускоын Удмуртиез возьматӥсь туспуктэмъёсын адӟытон радъяськоз

Удмурт Дунне
By Удмурт Дунне 24 июня, 2015 09:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Элькун

Быръемын луоз тужгес усто 30 туспуктэм — 180 сантиметр ӝуждалаен но 120 сантиметр пасьталаен карыса, соос инъямын луозы Москвалэн кудаз ке бульвараз.

Азьланьтӥське Удмуртилэсь арзэ Москваын пусъён — со кыстӥськоз туэ ар пумозь.

Удмуртилэн Тӧроезлэн Россиысь Президент бордын ужась представительствоез ивортэ: матысь дыре Москвалэн одӥгаз бульвараз усьтӥськоз Удмуртиен герӟаськем туспуктэмъёсын адӟытон. Бульваретӥ ветлӥсь адӟозы Удмуртилэсь котыр ласянь аспӧртэмлыко луэмзэ — ужез яратӥсь но со дыре ик кырӟаны-вераны усто калыкмылэсь туссэ-буйзэ,  сям-йылолъёсты возьматӥсь фотосуредъёсты, кибашлы адямиослэсь туспуктэмъёссэс но трос мукет.

Та адӟытонэ шедьыны луонлыкез вань котькудӥзлэн: я фотограф, я туспуктэмысь герой чотын! Быръемын луоз тужгес усто 30 туспуктэм — 180 сантиметр ӝуждалаен но 120 сантиметр пасьталаен карыса, соос инъямын луозы Москвалэн кудаз ке бульвараз. Фотографиосты кутон кыстӥськоз июль шорозь: 25-тӥ июльлы, Москваын Герберез ортчытон нуналлы, туспуктэмъёсын адӟытон усьтӥськыны кулэ ни. Эн бабе!  Асьме сярысь мед тодоз калык!

Ужъёстэс келяны быгатоды udmfoto@bk.ru электрон адресъя. Нош ужды быръемын ӧз луы ке таяз адӟытонэ, эн ӝожоме: соосты кутозы интыысь интые вошъяськись мукетаз адӟытонэ. Таиз радъяськоз Москвалэн пӧртэм интыосаз  туэ декабрь толэзёзь.

Елена Никитина

Удмурт Дунне
By Удмурт Дунне 24 июня, 2015 09:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<