Ижын теннисъя турнир ортче

Удмурт Дунне
By Удмурт Дунне 9 июня, 2015 13:05

Ижкарын «Зенит» стадионын 8-тӥ инвожое теннисъя «Удмуртиысь сьӧд зарни» турнирлы кутскон сётӥзы. Арлы быдэ ортчись ӵошатсконэ туэ Россиысь 15 каръёсысь сюлэсь трос нылпи спортсменъёс вуизы. Вожвылъяськон кык подгруппаын ортче — 12 но 16 аресозь нылпиос пӧлын.

— Турнирез ортчытон умой сямлы пӧрмиз ни. Шумпотымон, элькунысь спортмесъёсын артэ та ӵошатсконэ палэнысь лыктэм нылпиос но пырисько шуыса, — спортсменъёслы вазиськиз Удмуртиысь мугорез кыдатон культурая, спортъя но егитъёсын ужан политикая министр Игорь Краснов.

Ӵошатсконъёсты ас дыраз «Удмуртнефть» компания малпам. Мувӧй бордысь ик турнирлэн нимыз но потэмын. Элькунын ортчылӥсь турнир Приволжск федерал округысь вань нылпи спортсменъёсты кыскиз.

Теннисэн шудӥсьёс шаерын трос. Тужгес зол та спорт Ижкарын, Воткинскын, Можгаын азинске. Нош Сарапулын нимысьтыз теннисъя нылпи школа но вань.

— Теннис али кыкетӥзэ вордӥське. Шудыны мылкыд карисьёс арысь-аре йыло. Азьланяз Удмуртиысь мукет каръёсын но ёрос центръёсын шудыны площадкаос, кортъёс, устьыны тыршом, — вера Удмуртиысь теннисъя федерациен кивалтӥсь Сергей Тестоедов. — Кема дыр ӵоже теннисэз узыръёслэн шудонзы шуылӥзы. Шонер ӧвӧл со, котькин та шудонэ пыриськыны быгатэ. Кылсярысь, Ижкарын занятиосамы ветлӥсь нылпиос ваньзы ик общественной траспортэн дорамы вуо.

«Удмуртиысь сьӧд зарни» турнир арня ӵоже ортчоз. Вань шудонъёс Ижкарысь шор стадионын радъяськозы. Мылкыд карисьёс нылпи спортсменъёслэсь шудэмзэс учкыны быгатозы.

Павел Вахрушев 

Туспуктэм: vk.com

Удмурт Дунне
By Удмурт Дунне 9 июня, 2015 13:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<