«IВолга» форуме Удмуртиысь 88 проект пыриське

Удмурт Дунне
By Удмурт Дунне 23 июня, 2015 11:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93


иволгаТа нуналъёсы Самараын «IВолга» форум ортче. Удмуртиысь отчы 88 егитъёс пырисько.

Котькуд ар «IВолга» форум быдэс Приволжск федерал округысь тужгес но тунсыко проектъёсты люка. Туэ форуме вуэмын 700 уж. Соос пӧлысь ӧжытэз гинэ потоз федерал этапе. Отын дунъясьёс учкозы, проектэз улонэ пыӵатыны уксё висъяно-а, ӧвӧл-а шуыса. Туэ форумлэн коньдэтэз 11 миллион манет. Али дырлы проектъёсты учкон-дунъян мынэ на, нош Удмуртие ӟеч ивор вуиз ни.

Ижысь М.Т. Калашников нимо кун университетын дышетскись Денис Мушаков лэсьтӥськон удысэз азинтонъя проектэныз федерал этапе потӥз. Нырысетӥ этапын проектсэ утьыкуз, со 90 балл люказ. Со сярысь ивортэ Удмурт элькунъя валтӥсь федерал инспекторлэн пресс-службаез.

Форуме пыриськись проектъёс пӧртэм ӧръёслы люкемын. Денислэн проектэз, кылсярысь, «Инновациос но технологиос» ӧре пыре. Озьы ик «IВолга» форумын ужало «Пичи гурт — бадӟым луонлыкъёс», «Патриот», «Ӟеч уж лэсьтӥсьёс», «Культурной БУМ!», «Медиаволна», «Политика», «Тон — ужбергатӥсь», «Спортэн вырись егитъёс — тазалыко калык» ӧръёс.

«Пичи гурт — бадӟым луонлыкъёс» ӧрын тырше Ксения Никитина. Солэн проектэз нимаське «Удмуртиысь фермеръёс». Нылаш малпа Удмуртиысь егитъёсты гурт удысын ужбергатонлы дышетыны, ферма пуктон понна грантъёс басьяны.

— Жаляса верано, егитъёс, умой улон сьӧры уйиськыса, гуртъёсысь городъёсы кошко, — вера Ксения. — Гуртын но, аслэсьтыд уждэ усьтыса, уксё поттыны луэ ук. Та форумын грант ӧй уты ке, мукет интыосысь коньдон утчало. Та проект асьме шаермылы туж кулэ!

Гурт удысэз азинтонъя мукет но тунсыко проектъёс Удмуртиысь вуэмын. Со Камбарка ёростӥ туристъёслы маршрут кылдытон, Дэри ёросысь Ожмос гуртысь синпелетэз утялтон.

Форум ворсаськоз 26-тӥ инвожое, соку ик тодмо луоз, кин проектсэ улонэ пыӵатыны коньдон басьтоз.

«УД»

Удмурт Дунне
By Удмурт Дунне 23 июня, 2015 11:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<