Фин «HYTKYT» ансамбль Ижын концерт сётоз

Удмурт Дунне
By Удмурт Дунне Июнь 5, 2015 14:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

5-тӥ-12-тӥ инвожое, «Дуннеысь калыкъёслэн крезьгурзы» проектлы луыса, Удмурт Элькунын фин крезьгурлы сӥзем нуналъёс ортчозы. Отчы пыриськоз Финляндиысь Керава карысь вуэм «HYTKYT» нылкышнооослэн хорзы.

Та фин хоре пырисько калык кырӟанъёсты гажась 20 нылкышноос. Соос Калевала дырысь кырӟан гуръёсты валаса герӟало туала крезьгурлэн сям-йылолъёсынызы, быдэсто туала манер лэсьтэм но вашкала калык кырӟанъёсты. Нылкышноос ӵыжы-выжы луись фин-угор калыкъёслэсь кырӟанъёссэс но быдэсто. Репертуаразы, кылсярысь, пор но мордва кырӟанъёс пыртэмын. Шаерамы лыктыса, ансамбль удмуртъёслэн пӧртэм кырӟан сямъёсынызы тодматскыны, калык кырӟанъёсты дышетыны медэ.

хор

«HYTKYT» ансамбль.

 

«HYTKYT» ансамбль бадӟым концерт сётоз 10-тӥ инвожое 18.00 часын Ижысь Эшъяськон юртын. Лыктэмъёсты тодматоз Финляндиысь крезьгурчиослэн творчествоенызы но калык кырӟанъёсын.

Фин крезьгурлы сӥзем нуналъёсы Ижын ортчозы пӧртэм пумиськонъёс, калык крезьгуръя мастер-классъёс, концертъёс. Ужрадъёс мынозы Пичи Пурга ёросысь Баграш-Бигра гуртын, Дэри ёросысь Лудӟи гуртын, Эгра ёросысь Сэп гуртын.


УД

Удмурт Дунне
By Удмурт Дунне Июнь 5, 2015 14:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<