Башкир Википедиын 34 сюрс гожъямъёс, удмуртаз — 3 сюрс

Удмурт Дунне
By Удмурт Дунне Июнь 3, 2015 11:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

логоУфаын Википедилы сӥзем конференция радъяськиз. Соку ик башкир Википедия 10 ар тырмонзэ пусйиз.

Туннэ нуналлы Википедия — вотэсысь одӥгез тодмоез но ӝог азинскисез тодос энциклопедия. Али отын 30 миллионлэсь ятыр 277 кылъёсын гожтэм статьяос возисько, соослэн лыдзы нуналысь нуналэ будэ.
Уфае конференцие Казахстанысь, Индиысь, Эстониысь, Украинаысь, Филиппиныысь, Израильысь, Польшаысь но Россилэн уно улосъёсысьтыз 100-лэсь трос азьветлӥсьёс, тодосчиос люкаськылӥзы. Удмуртиысь та ужрадэ вуылӥзы Денис Сахарных, Алексей Шкляев, Лукерья Шихова, Григорий Григорьев но мон.

Башкиръёслэн вормонъёссылы синмаськыса бертӥм: 10 ар ӵоже Википедиязы 34 сюрслэсь уно статья гожтӥллям, удмуртъёс — 10 поллы ӧжыт. Башкир Википедия кылдытэмын 2002-тӥ арын, но нырысетӥ статьязэс гожтӥллям 2005-тӥ арын гинэ.

Башкир Википедилэн авторез но конференциез радъясь Рустам Нурыев верамъя, туннэ нуналлы Википедиязы 13 сюрс пала гожъясьёс, соос пӧлысь ог 10-эз гинэ материалъёссэ ялан вуттэ.

Туэ шуркынмон толэзе удмурт Википедилы (udm.wikipedia.org) но 10 ар тырме. Соин ӵош вуоно арын таӵе конференция Ижкарын ортчоз. Дыр вань на асьмелэсь энциклопедимес выль статьяосын узырмытыны, но со уж борды дэмен басьтӥськоно. Статьяос кылдытыны быгатэ котькуд мылкыд карись, со понна одно ик тодосчи яке дышетӥсь луоно ӧвӧл. Одӥг гинэ курон: гожъяно асьтэлы, кытысь ке дась ужъёсыз басьтыны уг яра. Удмурт Википедие гожъясьёс быгатозы пыриськины фин-угор Википедиосыз азинтонлы сӥзем конференцие, со ортчоз туэ гужем, 1-тӥ-4-тӥ гудырикошконэ, Эстониын.

Елена Рябина

Удмурт Дунне
By Удмурт Дунне Июнь 3, 2015 11:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<