6-тӥ инвожое ортчозы пор Семык, бесерман Кӧрбан, старовер «Петровское заговенье»

Удмурт Дунне
By Удмурт Дунне 4 июня, 2015 12:38

Нунал одӥг — ӝук куинь

Таяз кӧснуналэ, 6-тӥ инвожое, шаерамы пор, бесерман но ӟуч праздникъёс ортчозы. Соосты радъяло Нациосын ужан политикая министерство, Эшъяськон юрт но ёрос администрациос.

семык

Кияса ёросысь Уськыр гуртэ ӧтё поръёс Семык праздниказы. Вашкала дырысен та шулдыръяськонэ поръёс сюан ортчытъяло вал. Таяз шулдыръяськонын но валтӥсь инты басьтоз кузпалъяськон. Ӵошатскозы егит семьяос, ужалозы спортлы, пиналъёслы чаклам, кибашлыослы сӥзем площадкаос. Праздникез дасясьёс витё шаерысьтымы, Татарстанысь, Башкортостанысь, Марий Элысь но Киров улосысь поръёсты.

пз

Та нуналэ ик Красногорск ёросысь Бараны гуртын старообрядецъёслэн культуразылы сӥзем «Петровское заговенье» куинетӥез элькун фестиваль ортчоз. Та празднике пыриськыны быгато шаерысьтымы вань мылкыд карисьёс, кинлы тунсыко вашкала ӟуч сям-йылолъёс. Татчы вуозы Киров улосысь староверъёслэн ансамбльёссы но кибашлыоссы. Шулдыръяськонын чузъяськозы вашкала такмакъёс, луозы эктонъёс. Вожвылъяськозы кусоен турнасьёс, ужалоз кибашлыослэн ульчазы. Калыкез куно карозы Петрол ӝукен.

кӧрбанШаерысьтымы бесерманъёслэн валтӥсь праздниксы, Кӧрбан шулдыръяськонзы, ортчоз Яр ёросысь Вортча гурт дорын. Сое радъясьёс возьмало шаерысьтымы, Киров улосысь но Москваысь бесерманъёсты, удмуртъёсты но ӟучъёсты. Кӧрбанын валтӥсь инты басьтозы «Визьбугор», «Возьвыл ӝӧк», «Бесерман гуръёс» но «Кӧрбан шудонъёс» адӟытонъёс, луозы вожвылъяськонъёс.

Галина СемёноваТуспуктӥз Лёша Шкляев

Удмурт Дунне
By Удмурт Дунне 4 июня, 2015 12:38