Ку малпаськыны кутском Инкуазез утён сярысь?

Удмурт Дунне
By Удмурт Дунне 27 мая, 2015 09:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Али Инкуазез ӧм уте ке, кыӵе улон возьма нылпиосмес Музъем вылын?

Мыным удалтӥз, пичи дыръям мон турын вылтӥ гольык пыд ветлӥ, тыметын уяй, гадь тросам чылкыт омырен шокай, гуртын улыса, инкуазен сётэм чылкыт сиён сиылӥ. Номыр сярысь малпаськытэк, кранысь вуэз юылӥ но туж шумпотылӥ, милям ваньмыз та вань шуыса.

Нош кыӵе зол мон пайми, городысь вузкаронни ӝажыосысь вуэн ӟенеликъёсты адӟыса. Малы сое уксёен басьтоно, кранысь вуэз дунтэк лэзьыны луэ ке.

Туннэ тросэз адямиос уксёез дунъяло. Адями коньдон понна возьытсэ но данзэ вунэтэ. Пичи дыръям мон кылылӥ, куд-ог заводъёс мача вуоссэс шуръёсы кисьтало шуыса, озьы, пе, производство дунтэмгес усе. Озьы ик вылэм: али Пугачёвоысь тыметмы ворсамын, нош со азьын пул шуккемын: «Эн пылаське, кышкыт!» Пичи Пургаысь кирпич лэсьтӥсь завод трос аръёс ӵоже отчы бервылъёссэ кисьтам. Куке но пыр адскись ву али пеймыт-курень луэмын. Мукет азьын но та выллем ик югдур.

Туала улонын адями тросгес сиён, дӥськут но мукет арбериос басьтон сярысь сюлмаське. Но тросэз, мае ми басьтӥськом, ӝоген кулэтэм луэ но жаг куянэ вуэ. Талэсь нырысь ик курадӟе инкуазь. Кылсярысь, Тихой океанын жаглэсь кылдӥз ни быдэс шормуӵ, тодосчиослэн мертамзыя солэн быдӟалаез 1 миллион квадрат метрлэсь бадӟымгес. Пластик ӟенеликъёсты, пуйыосты, мукет жагез татчы ваё бызись вуос. Нуналысь нуналэ со бадӟымгес но паськытгес луэ, нош чорыгъёс но вуын улӥсь мукет лулосъёс, татчы шедьыса, быро.

trash2

Ву дурысь жаглэсь тылобурдоос но быро.

Тросэз сиён-юонъёс али мугормылы уродзэ гинэ ваё на. Сиён-юонэ ватсало химия суретъёс, буёлъёс, шӧмзэ воштӥсь макеос… Со суретъёс каллен-каллен асьмелэсь тазалыкмес лябӟыто. Туннэ туж секыт ни шедьтыны чылкыт сиён-юонэз.

Саптам омыр, хлор ву, ГМО сиён-юонъёс…

Ми котькуд нунал курадӟытӥськом инкуазез. Музъем вылын ми, куноос кадь гинэ, огшап улӥськом, нош шӧдӥськом асьмеды кузёен. Музъем но улэп ук, солэн чиданэз быроз но огпол бадӟым ву тулкымъёсын, музъем зурканэн, сильтӧл пельтэмен пушкысьтыз вань уродзэ поттоз, та сярысь кемалась верало ни тодосчиос. Котькуд анай-атайлэн потэ, солэн нылпиез кема но шудо мед улоз шуыса. Ми утьыны кулэ сое, мае сётӥзы милемлы анай-атайёсмы, нош нылпиосмы — мае сётом ми. Жагдӥськыса улӥм ке, мае утьыны кылёз на соослы? Асьме ужъёсынымы ми быгатӥськом воштыны инкуазен герӟаськем югдурез. Кызьы, юалоды тӥ?Ӧжытгес люканы жуг-жаг но тросгес мерттыны писпу, пичиысен инкуазез утён мылкыд пыӵатыны! Дунне кутске тон бордысен.

Стёпа КОНЬКОВ

Удмурт Дунне
By Удмурт Дунне 27 мая, 2015 09:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<